Sòm

29 Onore Jewova, nou menm pitit moun ki vanyan yo,

Onore Jewova pou glwa li ak fòs li+.

 2 Onore Jewova pou glwa non l merite.

Bese byen ba devan* Jewova ak bèl rad ki sakre*.

 3 Jewova fè tande vwa l sou dlo yo.

Bondye nou an ki gen glwa fè tande vwa l ki tankou loray+.

Jewova kanpe anlè anpil dlo+.

 4 Vwa Jewova fò anpil+.

Vwa Jewova estrawòdinè.

 5 Vwa Jewova fann pye sèd yo,

Wi, Jewova depatcha pye sèd ki Liban yo+.

 6 Li fè Liban* ponpe tankou yon ti bèf,

E li fè Siryon+ ponpe tankou yon ti towo bèf sovaj.

 8 Vwa Jewova fè dezè a tranble+,

Jewova fè dezè ki Kadès la+ tranble.

 9 Vwa Jewova fè femèl sèf* la tranble epi l fè l met ba.

Vwa l ratibwaze forè yo+

Pandan tout moun ki nan tanp li an ap di: “Glwa pou Bondye!”

10 Jewova chita sou twòn li, anlè dlo ki fè gen inondasyon yo*+.

Jewova chita sou twòn li e li Wa pou toutan+.

11 Jewova ap bay pèp li a fòs+,

Jewova ap beni pèp li a, l ap ba l lapè+.