Mak
15 Kou l jou, prèt an chèf yo ansanm ak ansyen yo ak espè nan Lalwa yo, wi, tout Sanedren an reyini. Yo mare Jezi, yo mennen l bay Pilat, epi yo remèt li l+. 2 Epi, Pilat mande l: “Èske w se Wa Juif yo+?” Li reponn: “Se ou menm ki di sa+.” 3 Men, prèt an chèf yo vin ap lage yon bann akizasyon sou do l. 4 Pilat rekòmanse poze l kesyon, li di l: “Ou pa reponn+? Gade tout akizasyon yo lage sou do w+.” 5 Men, Jezi pa di anyen ankò, e sa te fè Pilat sezi+.
6 Twouve, chak fèt Pak, Pilat te gen abitid lage yon prizonye pou pèp la, moun yo te mande l lage a+. 7 Nan epòk sa a, te gen yon nonm yo te rele Barabas ki te nan prizon ansanm ak yon seri moun ki t ap fè soulèvman e ki te touye moun nan soulèvman yo t ap fè a. 8 Se konsa, foul moun yo vini e yo kòmanse mande Pilat pou l fè sa l konn abitye fè pou yo a. 9 Pilat reponn, li di yo: “Èske nou vle m lage Wa Juif yo pou nou+?” 10 Paske Pilat te konnen se jalouzi ki te fè prèt an chèf yo livre l ba li+. 11 Men, prèt an chèf yo chofe foul la pou yo fè l lage Barabas pou yo pito+. 12 Pilat reponn yo ankò, li di: “Ebyen, ki sa m dwe fè ak moun nou rele Wa Juif yo+?” 13 Yo rele ankò: “Mete l sou yon poto!*+” 14 Men, Pilat di yo: “Poukisa? Ki mal li fè?” Men, yo kontinye rele pi fò: “Mete l sou yon poto!*+” 15 Lè Pilat tande sa, kòm li te vle bay foul la satisfaksyon, li lage Barabas pou yo, e apre l fin fè bat Jezi+, li remèt li pou yo kloure l sou yon poto pou l mouri+.
16 Apre sa, sòlda yo mennen l nan lakou a, sètadi nan kay gouvènè a. Yo rele tout gwoup sòlda yo vini+. 17 Epi, yo mete yon rad wouj vyolèt sou Jezi, yo trese yon kouwòn pikan met sou tèt li 18 e yo kòmanse di l byen fò: “Bonjou, Wa Juif yo+!” 19 Epitou, yo t ap frape l nan tèt ak yon wozo, yo krache sou li, yo met ajenou e yo pwostène devan l. 20 Finalman, lè yo fin pase l nan rizib, yo retire rad wouj vyolèt la sou li e yo mete rad pa l yo sou li. Epi, yo mennen l ale pou yo kloure l sou yon poto+. 21 Twouve, gen yon mesye ki rele Simon ki t ap pase, li te sot andeyò. Li se moun Sirèn e li se papa Aleksann ak Rifis. Yo bay misye lòd pou l pote poto soufrans* yo pral met Jezi sou li a+.
22 Epi, yo mennen Jezi yon kote yo rele Gòlgota, ki vle di Plas Zo Tèt+. 23 Lè l rive la, yo eseye ba l bwè diven melanje ak yon dwòg yo rele lami+, men li pa pran l. 24 Yo kloure l sou poto a, epi yo fè tiraj osò ak rad ki te sou li yo pou yo separe yo e pou yo deside sa chak moun ap jwenn+. 25 Li te twazyèm èdtan* nan jounen an lè yo te kloure l sou poto a. 26 Epi, yo ekri akizasyon yo te lage sou do l la: “Wa Juif yo+.” 27 Epitou, yo te met de bandi sou poto bò kote l, youn adwat li e lòt la agoch li+. 28 *—— 29 Moun ki t ap pase t ap di l move pawòl, yo t ap souke tèt yo+ e yo t ap di: “Woy! Ou menm ki t apral kraze tanp lan pou w rebati l nan twa jou+, 30 se pou w desann poto soufrans* lan pou w sove tèt ou.” 31 Menm jan an tou, prèt an chèf yo ak espè nan Lalwa yo t ap pase l nan rizib ansanm, yo t ap di: “Li sove lòt moun, li pa ka sove tèt li+! 32 Se pou Kris la, Wa Izrayèl la, desann poto soufrans* lan kounye a, pou nou ka wè pou nou kwè+.” Ata moun ki te sou poto bò kote l yo t ap manke l dega+.
33 Lè sizyèm èdtan* nan jounen an rive, gen yon fènwa ki blayi sou tout peyi a rive jis nevyèm èdtan an*+. 34 Nan nevyèm èdtan an, Jezi rele byen fò, li di: “Eli, Eli, lama sabaktani?”, ki vle di: “Bondye m nan, Bondye m nan, poukisa w abandone m+?” 35 Gen kèk nan moun ki te kanpe toupre a, lè yo tande sa, yo di: “Tande! Men l ap rele Eli.” 36 Apre sa, gen yon moun ki kouri tranpe yon eponj nan vinèg, li mete l nan pwent yon wozo, l al ba li l pou l bwè+ e li di: “Kite l! Ann wè si Eli ap vin desann li sou poto a.” 37 Men, Jezi pouse yon gwo rèl, e li mouri*+. 38 Epi, rido tanp lan+ chire de bò, sot anlè rive anba+. 39 Twouve, lè ofisye ki te kanpe anfas li a wè li mouri konsa, li di: “Vrèmanvre, mesye sa a te Pitit Bondye+.”
40 Te gen kèk medam ki te la tou ki te ret nan yon distans ap gade. Pami yo te gen Mari, moun Magdala, ak Mari, manman Jak* ak Joz, ansanm ak Salome+. 41 Medam sa yo te konn suiv Jezi e yo te konn rann li sèvis+ lè l te Galile. Gen anpil lòt medam ki te monte Jerizalèm ansanm avè l ki te la tou.
42 Twouve, nan fen aprèmidi, kòm se te jou Preparasyon* an, anpalan de lavèy jou saba a, 43 Jozèf, moun Arimate, te vin parèt, li met kouraj sou li, l al devan Pilat, li mande l kò Jezi. Mesye sa a se yon manm Konsèy la ki te gen gwo renome e li t ap tann Wayòm Bondye a tou+. 44 Men, Pilat te vle konnen si Jezi gentan mouri. Li fè rele ofisye a, li mande l si Jezi gentan mouri. 45 Lè ofisye a fin fè l konnen li mouri, li bay Jozèf kò a. 46 Apre Jozèf fin achte yon twal len bon kalite, li fè desann kò a, li vlope l nan twal len an e li mete l nan yon tonm*+ yo te fouye nan wòch karyann. Epi, li woule yon wòch devan bouch tonm nan+. 47 Men, Mari, moun Magdala, ansanm ak Mari, manman Joz, te ret ap gade kote yo te mete l la+.