Sòm

113 Louwe Ja*!

Nou menm k ap sèvi Jewova, fè louwanj pou li,

Fè louwanj pou non Jewova.

 2 Se pou nou fè louwanj pou non Jewova

Depi kounye a e pou toutan+.

 3 Depi kote solèy la leve a rive kote l kouche a,

Se pou yo fè louwanj pou non Jewova+.

 4 Jewova byen wo sou tèt tout nasyon yo+,

Li gen plis glwa pase syèl la+.

 5 Kiyès ki tankou Jewova, Bondye nou an+,

Li menm ki rete* anwo a?

 6 Li bese pou l gade syèl la ak tè a+,

 7 Li leve malere a nan pousyè a.

Li leve pòv la nan pil sann nan*+

 8 Pou l ka fè l chita pami gwo potanta yo,

Pami gwo potanta ki nan pèp li a.

 9 Li fè fi ki pa ka fè pitit la vin yon manman ki gen plizyè pitit*

E ki gen kè kontan anndan lakay li+.

Louwe Ja*!