Sòm
Pou moun k ap dirije mizisyen yo. Pou yo jwe sou ton “Lis yo”. Yon chante Asaf te ekri kòm rapèl+. Yon melodi.
80 O Bèje Izrayèl la,
Ou menm k ap gide desandan Jozèf yo tankou yon twoupo mouton+, koute m.
Ou menm ki chita sou twòn ou anlè* cheriben yo+,
Se pou w klere tankou limyè.
4 Jewova Dye, Chèf lame yo, jis ki lè w ap rete fache kont pèp ou a k ap priye w+?
5 Ou ba yo dlo k ap koule nan je yo kòm manje,
E w fè yo bwè pakèt dlo k ap koule nan je yo a.
6 Ou kite vwazen nou yo ap goumen youn ak lòt poutèt nou,
Ou kite ènmi nou yo fawouche nou jan yo vle+.
7 O Bondye, Chèf lame yo, fè nou vin djanm ankò.
Fè nou favè pou nou ka jwenn delivrans+.
8 Ou te pran yon pye rezen+ nan peyi Ejip epi w ale avè l.
Ou te met nasyon yo deyò e w te plante l+.
9 Ou te netwaye yon espas pou li,
Li te pran rasin e li te gaye kò l nan peyi a+.
10 Lonbraj li te kouvri mòn yo,
Branch li te kouvri pye sèd Bondye yo.
13 Kochon ki nan rakbwa yo detwi l
E bèt sovaj ki nan savann yo manje l+.
14 O Bondye, Chèf lame yo, tanpri, tounen,
Voye je gade detan w nan syèl la pou w wè.
Pran swen pye rezen sa a+,
16 Yo koupe l, yo boule l+.
Pèp la ap peri akoz ou te blame yo.
17 Se pou men w soutni moun ki adwat ou a,
Se pou l soutni moun ou te fè vin djanm pou glwa w la+.
18 Lè sa a, nou pap vire do ba ou.
Fè n rete vivan pou nou kapab envoke non w.
19 O Jewova Dye, Chèf lame yo, fè nou vin djanm ankò.
Fè nou favè pou nou ka jwenn delivrans+.