Sòm

 2 Ou konnen lè m chita, ou konnen lè m leve+.

Ou byen konnen tout sa k ap pase nan lespri m detan w byen lwen+.

 3 Ou suiv mwen byen* lè m ap vwayaje ak lè m kouche.

Ou byen konnen tout sa m ap fè+.

 4 Anvan yon pawòl soti nan bouch mwen,

O Jewova, gade, ou gentan konnen l byen+.

 5 Ou bare m ni devan ni dèyè,

E w pwoteje m ak men w.

 6 Konesans ou gen sou mwen an twòp pou m konprann*.

Wi, li depase m, mwen pa ka rive konprann li+.

 7 Èske gen yon kote m ka ale pou m ta kache pou lespri w?

Èske gen yon kote m ka kouri ale pou w pa ta wè m+?

 8 Si m ta monte nan syèl la, w ap la.

Si m ta ranje kabann mwen nan Tonm nan*, w ap jwenn mwen la+.

 9 Menmsi m ta pran zèl douvanjou epi m vole m ale

Pou m al rete bò kot lanmè ki pi lwen an,

10 Ou t ap la pou w gide m,

Men dwat ou t ap la pou l ede m+.

11 Si m ta di: “Bon! M pral kache nan fènwa.”

Lè sa a, fènwa ki toutotou m nan t ap tounen limyè.

12 Menm fènwa pap janm twò nwa pou ou.

Lannuit t ap klere tankou lajounen+.

Fènwa tankou limyè pou ou+.

13 Paske, se ou menm ki fè ren m.

Ou te pwoteje* m nan vant manman m+.

14 M ap fè louwanj pou ou paske ou fè m yon fason ki estrawòdinè+, yon fason ki fè m gen respè pou ou.

Bagay ou fè yo estrawòdinè+.

Mwen* konn sa byen.

15 Ou te wè tout zo m

Nan kachèt kote m te pran fòm nan,

Lè w te tise m tankou yon twal nan zòn ki pi fon nan tè a+.

16 Ou te wè m ak je w lè m te nan vant*.

Tout pati m yo te ekri nan liv ou a.

Ou te ekri enfòmasyon anrapò ak jou yo te fèt yo

Depi menm anvan youn nan yo te egziste.

17 Se sa k fè panse w yo gen anpil enpòtans pou mwen+.

O Bondye, se pa ti anpil yo anpil+!

18 Si m ta eseye konte yo, yo t ap plis pase grenn sab bò lanmè+.

Lè m ta leve nan maten, mwen t ap toujou ansanm avèk ou*+.

19 O Bondye, si w ta annik touye mechan yo+,

Lè sa a, moun ki vyolan* yo ta kite m an repo,

20 E moun k ap pale w mal akoz yo gen move entansyon yo* ta kite m an repo tou.

Yo se advèsè w e yo mal sèvi ak non w+.

21 O Jewova, èske m pa rayi moun ki rayi w yo+?

Èske m pa gen degoutans pou moun ki fè rebèl avè w yo+?

22 Se pa ti rayi m rayi yo+.

Yo se ènmi m toutbon.

23 Egzamine m, o Bondye, pou w ka konnen sa k nan kè m+.

Egzamine m pou w ka konnen bagay k ap trakase m yo+.

24 Gade pou w wè si gen kèk bagay ki pa bon lakay mwen+,

Epi gide m+ nan chemen letènite a.