Sòm

 2 Bondye m nan, mwen fè w konfyans+.

Pa kite lawont tonbe sou mwen+.

Pa kite ènmi m yo bat plezi sou mwen+.

 3 Se sèten pa gen moun ki met espwa yo nan ou k ap wont+.

Men, moun ki trayi moun san rezon yo gen pou yo wont+.

 4 Fè m konnen wout ou yo, o Jewova+.

Montre m chemen w yo+.

 5 Fè m mache nan verite w yo epi anseye m+,

Paske ou se Bondye delivrans mwen.

 6 Sonje jan w gen mizèrikòd, o Jewova, sonje jan w gen yon lanmou ki fidèl+,

Yon seri kalite ou toujou demontre*+.

 7 Pa sonje peche ak fot mwen te fè lè m te jèn yo,

Men se pou w sonje m akoz lanmou fidèl ou genyen an+.

Paske, ou bon, o Jewova+.

 8 Jewova bon e li dwat+.

Se sa k fè li montre pechè yo chemen yo dwe mache a+.

 9 L ap montre moun ki gen imilite yo sa ki dwat+,

L ap aprann yo chemen l yo+.

10 Tout chemen Jewova yo se lanmou* ak fidelite

Pou moun ki respekte alyans li an+ e ki suiv rapèl li yo+.

11 O Jewova, padone erè m nan poutèt non w+,

Menmsi se yon gwo erè.

12 Èske gen yon moun ki gen lakrentif pou Jewova+?

Se moun sa a l ap fè konnen chemen pou l chwazi a+.

13 Moun sa a* ap jwenn sa ki bon+,

Desandan l yo* ap resevwa tè a kòm byen pa yo+.

14 Se moun ki gen lakrentif pou Jewova yo ki bon zanmi l+,

E li fè yo konnen alyans li an+.

15 Mwen toujou konte sou Jewova pou l ede m+,

Paske l ap retire pye m nan pyèj+.

16 Vire gade m epi fè m favè,

Paske mwen poukont mwen e mwen pa gen moun pou ede m.

17 Kè m sere anpil+.

Retire m nan lapenn mwen ye a.

18 Gade soufrans mwen ak pwoblèm mwen+

E se pou w padone tout peche m yo+.

19 Gade jan ènmi m yo anpil,

Gade jan yo rayi m anpil.

20 Pwoteje lavi m*, sove m+.

Pa kite lawont tonbe sou mwen paske se nan ou mwen pran refij.

21 Se pou fidelite m ak jistis mwen pwoteje m+,

Paske espwa m se nan ou+.