Sòm

42 Menm jan ak yon sèf* ki anvi bwè dlo rivyè,

Se konsa tou mwen* anvi sèvi w, o Bondye.

 2 Mwen* swaf sèvi Bondye vivan an+.

Ki lè m ap parèt devan Bondye+?

 3 Lajounen kou lannuit, se dlo nan je m ki manje m.

Tout lajounen gen moun k ap pase m nan rizib, y ap mande m: “Kote Bondye w la+?”

 4 Gen kèk bagay mwen sonje e sa ap fè m di tout sa m santi*:

Mwen te konn mache ansanm ak foul la,

Mwen te konn mache avèk anpil respè* devan moun yo pou m al nan kay Bondye a,

Moun yo te konn ap rele ak kè kontan,

Yo te konn ap remèsye Bondye pandan y ap fete+.

 5 Poukisa m* dekouraje konsa a+?

Poukisa m boulvèse konsa a?

Se pou m ret tann Bondye+.

Paske, mwen gen pou m fè louwanj pou li kòm Sovè m+.

 6 Bondye m nan, mwen* dekouraje+.

Se sa k fè mwen sonje w+

Pandan m nan peyi kote Rivyè Jouden an pase a, sou tèt Mòn Èmon

Ak sou Mòn Miza*.

 7 Lè dlo w yo fin tonbe byen fò,

Gwo dlo rele gwo dlo.

E tout gwo vag ou yo kouvri m+.

 8 Lajounen, Jewova ap demontre lanmou fidèl li gen pou mwen,

Nan nuit, m ap chante yon chante ki pale de li. Se priyè sa a mwen fè Bondye ki ban m lavi a+.

 9 M ap di Bondye m nan, Mas Wòch mwen an:

“Poukisa w bliye m+?

Poukisa pou m ta ap mache tou tris poutèt ènmi m yo ap toupizi m+?”

10 Ènmi m yo agresif avè m, y ap pase m nan rizib*.

Tout lajounen y ap pase m nan rizib, y ap mande m: “Kote Bondye w la+?”

11 Poukisa m* dekouraje konsa a?

Poukisa m boulvèse konsa a?

Se pou m ret tann Bondye+.

Paske, mwen gen pou m fè louwanj pou li kòm Sovè m e kòm Bondye m+.