Sòm
Pou moun k ap dirije mizisyen yo. Yon chante David te ekri.
64 Koute vwa m, o Bondye, lè m sipliye w+.
Pwoteje lavi m, fè m pa pè devan ènmi an.
2 Pwoteje m anba konplo mechan yo ap fè an sekrè yo+,
Pwoteje m anba tout moun k ap fè sa ki mal yo.
3 Yo file lang yo byen file tankou epe,
Yo vize moun ki inosan an ak move pawòl tankou si se te flèch,
4 Pou yo tire l pandan yo ret kache yon kote.
Yo tire l sanzatann san yo pa pè.
5 Yo rete atache ak move entansyon yo genyen*,
Yo pale sou fason pou yo kache pyèj yo.
Yo di: “Kiyès k ap wè yo+?”
6 Yo chèche nouvo fason pou yo fè sa ki mal.
Yo planifye move kou yo vle fè yo an kachèt+.
Panse yo chak gen nan kè yo se bagay moun pa ka konprann.
7 Men, Bondye ap tire flèch li sou yo+.
San yo pa atann y ap pran yon kout flèch.
8 Se pwòp lang yo k ap fè yo tonbe+.
Tout moun k ap gade yo ap souke tèt yo.