Ezayi
54 “Ou menm madanm ki pa t janm fè pitit la, se pou w rele tèlman w kontan+!
Se pou w kontan e se pou w rele tèlman w kontan+, ou menm ki pa t janm gen doulè tranche+!
Paske, madanm mari l rejte l la gen plis pitit
2 “Fè tant ou an vin pi laj+.
Laji twal gwo tant ou an.
Pa met okenn limit. Fè kòd tant ou yo vin pi long,
E fè pikèt tant ou yo vin djanm+.
3 Paske w pral laji fwontyè w yo ni adwat ni agoch.
Pitit ou yo pral pran anpil nasyon,
E yo pral abite nan vil ki pa gen pèsonn ladan yo+.
4 Ou pa bezwen pè+, paske yo pap fè w wont+.
Ou pa bezwen santi w imilye, paske ou pap regrèt.
Paske, w ap bliye wont ou te pran lè w te jèn nan,
E ou pap sonje wont ou te pran lè w te pèdi mari w la.”
5 “Paske, Gran Kreyatè w la+ tankou yon mari* pou ou+,
Non l se Jewova, Chèf lame yo.
Bondye Izrayèl la, Bondye ki sen an, se Sovè* w+.
Y ap rele l Bondye tout tè a+.
6 Paske, Jewova te rele w kòmsi w te yon fi yo abandone e k ap soufri*+,
Tankou yon fi ki te marye jèn, epi mari l kite l.” Se sa Bondye w la di.
7 “Se pou yon ti moman mwen te abandone w,
Men, m ap fè w retounen avèk anpil mizèrikòd+.
8 Piske m te fache anpil*, mwen te kache figi m pou ou pandan yon moman+.
Men, m ap gen mizèrikòd pou ou paske lanmou ki fidèl mwen genyen an pap janm fini+.” Se sa Jewova, Sovè* w la, di+.
9 “Pou mwen menm, se tankou epòk Noye a+.
Menm jan mwen te fè sèman dlo delij nan tan Noye a pap kouvri tè a ankò+,
Se konsa tou mwen fè sèman mwen pap fache ankò kont ou e mwen pap blame w+.
10 Paske, gwo mòn yo ka deplase,
E ti mòn yo ka souke,
Men, lanmou ki fidèl mwen gen pou ou a ap rete byen djanm+,
E alyans mwen fè pou m ba w lapè a pap brannen+.” Se sa Jewova, Sila a ki gen mizèrikòd pou ou a, di+.
11 “Ou menm madanm k ap soufri+, ou menm van tanpèt fin sakaje e ki pa gen pèsonn pou konsole w+,
M ap poze wòch ou yo ak yon mòtye ki gra,
E m ap fè fondasyon w lan ak safi+.
12 M ap fè tèt miray ou yo ak ribi,
M ap fè pòtay ou yo ak wòch ki klere*,
E m ap fè tout bòn fwontyè w yo ak pyè ki gen anpil valè.
14 W ap tabli byen djanm paske w fè sa ki dwat+.
Y ap mete w byen lwen moun k ap fè moun abi yo+,
Ou pap pè anyen e pa gen anyen k ap fè w pè,
Paske, bagay sa yo pap vin pre w+.
15 Si yon moun ta atake w,
Se pa mwen k ap ba l lòd fè sa.
Nenpòt moun ki vin batay avè w, w ap pote laviktwa sou li+.”
16 “Gade! Se mwen menm ki kreye atizan
K ap soufle chabon dife a.
Grasa travay li, li fè yon zam.
Epitou, se mwen menm ki kreye moun ki konn touye moun nan pou l kraze brize+.