Miche
5 “O nou menm k ap viv nan vil yo atake a,
Kounye a n ap filange kò nou.
Yo ansèkle nou+.
Yo bay jij Izrayèl la kout baton bò figi+.
2 Kanta pou ou, o Betleyèm Efrata+,
Ou menm ki twò piti pou w pami vil Jida yo,
Se lakay ou sila a ki pral dirije Izrayèl pou mwen an ap soti+,
Sila a ki la depi digdantan an, wi, depi byen lontan an.
3 Se sa k fè Bondye ap abandone yo,
Jiskaske lè a rive pou fi ki gen pou akouche a akouche.
E rès frè l yo ap tounen vin jwenn pèp Izrayèl la.
4 L ap leve kanpe e l ap pran swen twoupo a grasa fòs Jewova ba li+,
E grasa otorite li genyen pou l aji nan non Jewova, Bondye li a, ki gran.
Lè sa a, y ap abite an sekirite+,
Paske dominasyon l lan ap rive jis nan dènye bout tè a+.
Si moun Asiri a anvayi peyi nou an e li kòmanse mache nan fòtrès nou yo ki byen pwoteje+,
N ap fè sèt bèje leve kont li, wi, uit prens* ki soti nan mitan lèzòm.
6 Y ap sèvi ak epe yo pou yo pini peyi Asiri+,
Wi, y ap pini peyi Nimwod la+ nan antre peyi a.
L ap sove nou anba men moun Asiri a+
Lè l anvayi peyi nou an e li kòmanse mache nan tèritwa nou an.
7 Desandan Jakòb ki rete yo ap nan mitan yon pakèt pèp,
Y ap tankou lawouze Jewova fè tonbe,
Tankou lapli k ap tonbe sou plant,
Ki pa met espwa yo nan moun,
Oswa ki pa ret ap tann lèzòm.
8 Desandan Jakòb ki rete yo ap nan mitan nasyon yo,
Nan mitan anpil pèp.
Y ap tankou yon lyon ki nan mitan lòt bèt ki nan yon forè,
Tankou yon jenn lyon* ki nan mitan twoupo mouton,
Ki antre nan twoupo a pou l atake e pou l dechire,
San pa gen pèsonn pou sove yo.
9 N ap leve men nou anlè akoz nou pote laviktwa sou ènmi nou yo.
N ap detwi yo tout.”
10 “Jou sa a”, se sa Jewova di,
“M ap touye cheval nou yo e m ap detwi charyo nou yo.
11 M ap detwi vil ki nan peyi nou an,
E m ap kraze tout kote nou genyen ki byen pwoteje yo.
12 M ap fè nou sispann fè maji.
Pa gen yon moun k ap fè maji k ap rete nan mitan nou+.
13 M ap detwi zidòl nou yo ak poto sakre ki fèt an wòch ki nan mitan nou yo,
E nou pap janm pwostène devan bagay nou fè ak men nou ankò+.
15 M ap an kòlè, m ap fache anpil lè m ap tire revanj
Sou nasyon ki pa t obeyi yo.”