Sòm

146 Louwe Ja*+!

M ap louwe Jewova+ ak tout mwen menm.

 2 M ap fè louwanj pou Jewova pandan tout vi m.

M ap chante louwanj* pou Bondye m nan toutotan m ap viv.

 3 Pinga nou mete konfyans nou nan chèf* yo

Ni nan okenn lòt moun, paske yo pa ka bay delivrans+.

 4 Lè lespri* yo ale, yo menm yo tounen nan tè a+.

Nan menm jou sa a, yo sispann panse+.

 5 Byennere moun ki gen Bondye Jakòb la pou ede l+

E ki met espwa l nan Jewova, Bondye l la+,

 6 Sila a ki fè syèl la ak tè a,

Lanmè a ak tout sa ki ladan yo+,

Sila a ki toujou ret fidèl la+,

 7 Sila a k ap fè moun yo dechèpiye a jwenn jistis la,

Sila a ki bay moun ki grangou yo manje a+.

Jewova ap lage prizonye yo*+.

 8 Jewova ap ouvri je moun ki avèg yo+,

Jewova ap leve moun ki koube byen ba yo+.

Jewova renmen moun ki jis yo.

 9 Jewova ap pwoteje moun k ap viv kòm etranje nan peyi a.

Li ede timoun ki pa gen papa yo ak vèv yo+,

Men, li dejwe plan mechan yo*+.

10 Jewova ap Wa pou toutan+,

O Siyon, l ap Bondye w jenerasyon apre jenerasyon.

Louwe Ja*!