Sòm
Yon melodi. Yon chante pou jou saba a.
92 Ala bon sa bon pou m remèsye w, o Jewova+,
Pou m chante louwanj* pou non w, o Sila a ki nan pi gwo pozisyon an!
2 Chak maten, li bon pou m fè konnen lanmou fidèl ou genyen an+,
E chak swa, m ap fè konnen jan w fidèl
3 Pandan m ap sèvi ak yon enstriman mizik ki gen dis kòd ak yon lòt enstriman akòd
Ansanm ak bèl son ki sot nan yon hap* pou m akonpaye chante a+.
4 Paske, gwo aksyon w fè yo fè kè m kontan, o Jewova.
M ap rele byen fò ak kè kontan poutèt bagay ou fè yo.
6 Moun ki pa gen bonsans pa ka konnen yo
E moun ki sòt pa ka konprann sa+:
7 Lè mechan yo ap vin anpil tankou move zèb*
E afè tout moun k ap fè sa ki mal yo ap byen mache,
Se pou yo ka detwi yo pou toutan+.
8 Men, ou menm, o Jewova, ou nan pozisyon ki pi wo a pou toutan.
9 Ènmi w yo gen pou yo peri, o Jewova,
Se sèten ènmi w yo ap peri.
Tout moun k ap fè sa ki mal yo gen pou yo kouri nan tout direksyon+.
10 Men, w ap fè m vin gen plis fòs pou m vin menm jan ak yon towo bèf sovaj.
Mwen gen pou m pase bon luil fre sou po m+.
11 Avèk je m, m ap wè jan ènmi m yo ap tonbe+,
Lè mechan k ap atake m yo tonbe, mwen gen pou m tande sa ak zòrèy mwen.
12 Men, moun ki jis la gen pou l vin bèl menm jan ak yon pye palmye,
Li gen pou l vin gwo menm jan ak yon pye sèd nan Liban+.
13 Se lakay Jewova yo plante yo,
Y ap fleri nan lakou Bondye nou an+.