Sòm
TWAZYÈM LIV
(Sòm 73-89)
Yon chante Asaf te ekri+.
73 Bondye bon toutbon pou Izrayèl, sitou pou moun ki gen kè ki pwòp yo+.
2 Kanta pou mwen, mwen te prèske kite bon chemen an,
Pye m te prèske glise+
3 Paske m te vin rayi sò moun ki awogan yo*
Lè m te wè jan mechan yo t ap viv anpè+.
6 Se sa k fè ògèy tankou yon kolye nan kou yo+,
Vyolans tankou rad yo met sou yo.
7 Yo tèlman rich*, je yo prèske sot nan tèt yo,
Yo rive gen plis pase sa yo te imajine nan kè yo.
8 Y ap pase lòt moun nan rizib, y ap di bagay ki mal+.
Avèk awogans, y ap fè konnen yo pral toupizi moun+.
9 Yo pale kòmsi se nan syèl la yo te ye,
Yo mache di sa yo vle ak lang yo sou tè a.
10 Se sa k fè pèp la vire al jwenn yo
E pèp la bwè nan pakèt dlo yo genyen yo.
11 Yo di: “Ki jan Bondye fè konnen+?
Èske Sila a ki nan pi gwo pozisyon an gen konesans toutbonvre?”
13 Vrèmanvre, se pou granmesi mwen te fè efò pou kè m ret pwòp
E pou m pa t tranpe men m nan sa ki mal+.
15 Men, si m te di bagay sa yo,
Se trayi mwen t ap trayi pèp ou a*.
16 Lè m te chèche konprann bagay sa a,
Sa te ban m anpil pwoblèm
17 Jiskaske mwen te antre nan tanp Bondye a
E m te vin konprann sa k gen pou rive yo.
19 Malè ap rive yo sanzatann+!
Y ap rive nan bout yo sanzatann e y ap fini mal!
20 Menm jan ak yon rèv yon moun bliye lè l leve, se konsa tou, o Jewova,
W ap voye yo jete lè w leve.
22 Mwen pa t byen reflechi e mwen te manke konprann.
Mwen te tankou yon bèt ki pa gen okenn bonsans devan w.
23 Men, kounye a, mwen avèk ou toutan.
Ou kenbe men dwat mwen+.
25 Kiyès mwen genyen nan syèl la?
Depi m genyen w, mwen pa bezwen anyen ankò sou tè a+.
26 Kò m ak kè m gendwa febli,
Men, Bondye pwoteje kè m. Se li ki mas wòch mwen, li se pòsyon pa m pou toutan+.
27 Vrèmanvre, moun ki ret lwen w yo ap peri.