Sòm

51 Fè m favè, o Bondye, akoz lanmou fidèl ou genyen an+.

Efase sa m fè ki mal yo, paske, ou gen anpil mizèrikòd+.

 2 Lave m byen lave akoz erè m nan+,

Netwaye m pou w efase peche m nan+.

 3 Paske, mwen byen konnen sa m te fè ki mal yo,

E se toutan peche m+ nan devan m*.

 4 Se kont ou menm, se sitou kont ou menm*, mwen te peche+.

Mwen fè sa ki mal nan je w+.

Konsa, ou jis lè w pale

E jijman w fè a bon+.

 5 Men, mwen fèt ak peche nan mwen,

Mwen gen peche nan mwen depi lè manman m ansent mwen+.

 6 Ou pran plezi nan moun ki gen laverite nan fon kè yo+.

Aprann mwen ki jan pou m gen vrè sajès la nan kè m*.

 7 Pirifye m anba peche m nan* pou m ka pwòp+.

Lave m pou m ka vin pi blan pase nèj+.

 8 Fè m tande vwa moun ki kontan e k ap rejwi

Pou m ka rejwi menmsi w fin kraze zo m+.

 9 Vire figi w pou w pa gade* peche m yo+

Epi efase* tout erè m yo+.

10 Fè kè m vin pwòp, o Bondye+.

Ban m yon lòt espri+, yon espri k ap fè m fidèl.

11 Pa voye m jete.

Pa retire lespri sen w sou mwen.

12 Fè m retounen gen kè kontan mwen te genyen lè w te sove m nan+.

Fè m anvi obeyi w*.

13 M ap fè moun k ap fè sa ki mal yo konnen chemen w yo+

Yon fason pou moun k ap fè peche yo ka tounen vin jwenn ou.

14 Pa fè m peye pou san ki te koule a+, o Bondye, Bondye delivrans mwen an+,

Pou m ka kontan sèvi ak lang mwen pou m fè konnen jan w jis+.

15 O Jewova, louvri bouch mwen

Pou m ka fè louwanj pou ou+.

16 Paske, se pa yon sakrifis ou vle, si se te sa, mwen ta ba w youn+.

Ou pa pran plezi nan ofrann yo boule nèt pou ou+.

17 Sakrifis ki fè Bondye plezi a se yon espri ki toumante.

O Bondye, ou pap rejte* yon kè k ap fann+.

18 Fè sa ki bon pou Siyon paske ou vle sa ki bon pou li.

Rebati miray Jerizalèm yo.

19 Lè sa a, w ap pran plezi nan sakrifis ki fèt nan ladwati yo,

Nan sakrifis ki boule nèt yo ak nan bèt yo ofri tou antye yo.

Lè sa a, y a ofri towo bèf sou lotèl ou a+.