Pwovèb

 2 Bondye jwenn glwa lè l kenbe yon bagay sekrè+,

E wa yo jwenn glwa lè yo chèche byen konprann yon bagay.

 3 Menm jan syèl la wo e anndan tè a fon,

Se konsa tou moun pa ka konnen sa ki nan kè yon wa.

 4 Retire salte nan ajan,

E l ap vin pwòp nèt+.

 5 Retire mechan yo devan wa a,

E twòn wa a ap vin byen djanm grasa sa ki dwat+.

 6 Pinga w mete w byen wo devan wa a+,

E pinga w al chita bò kot moun ki enpòtan yo+.

 7 Paske l pi bon pou se li ki di w: “Vin chita pi pre!”

Olye pou l fè w wont devan moun ki gen gwo pozisyon yo+.

 8 Pa kouri al nan tribinal ak yon moun,

Paske, ki sa w ap fè apre, lè moun nan fè w wont+?

 9 Regle pwoblèm ou ak moun nan+,

Men, pa rakonte lòt moun sa l te di w an sekrè*+,

10 Pou moun k ap tande w pa fè w wont

E pou w pa gaye yon move pawòl* ou pap ka fè antre ankò.

11 Tankou pòm annò nan kabare* ki fèt ann ajan,

Se konsa pawòl moun di nan bon moman ye+.

12 Tankou zanno annò ak bijou ki fèt ak lò bon kalite,

Se konsa koreksyon moun ki gen sajès la ye nan zòrèy moun ki konn koute a+.

13 Tankou yon bwason fre* nan sezon rekòt,

Se konsa yon mesaje ki fidèl ye pou moun ki voye l,

Paske li bay mèt li* kouraj+.

14 Tankou nyaj ak van ki pa pote okenn lapli,

Se konsa moun k ap mache di l ap bay yon kado ki pa janm bay li* ye+.

15 Se ak pasyans yo pot laviktwa sou yon kòmandan,

E pawòl dous yon moun di* kapab kraze yon zo+.

16 Si w jwenn siwo myèl, bwè sèlman kantite w bezwen an,

Paske si w pran twòp, ou ka vomi l+.

17 Pa plede al lakay moun,

Pou yo pa bouke avè w e pou yo pa vin rayi w.

18 Menm jan ak yon baton pou moun fè lagè, yon epe ak yon flèch ki byen file,

Se konsa fo temwen k ap bay temwayaj sou lòt moun ye+.

19 Tankou yon dan ki kase oswa yon pye ki dejwente,

Se konsa sa ye lè yon moun met konfyans li nan moun ki pa serye* lè gen pwoblèm.

20 Menm jan ak yon moun ki retire rad sou li nan gwo fredi,

E menm jan ak vinèg yo vide sou bikabonat*,

Se konsa yon moun k ap chante pou yon moun ki tris ye+.

21 Si ènmi w* grangou, ba l manje pou l manje,

Si l swaf, ba l dlo pou l bwè+.

22 Paske se anpile w ap anpile chabon ki byen limen sou tèt li*+,

E Jewova ap rekonpanse w.

23 Van ki sot nan nò lakòz anpil lapli,

E yon moun k ap fè tripotay lakòz yon moun fache+.

24 Pito yon moun rete nan kwen yon do kay

Pase pou l ret nan menm kay ak yon madanm ki toujou sou kont*+.

25 Tankou dlo fre y ap vide bay yon nanm* ki swaf,

Se konsa yon bon nouvèl ki sot byen lwen ye+.

26 Menm jan ak yon sous dlo ki plen labou e menm jan ak yon pi ki kraze,

Se konsa yon moun ki dwat ki dakò ak* yon moun ki mechan vin ye.

27 Li pa bon pou yon moun bwè twòp siwo myèl+,

Menm jan li pa bon pou yon moun chèche glwa pou tèt li+.

28 Tankou yon vil ki pa gen miray yo anvayi,

Se konsa yon moun ki pa ka kontwole tèt li* ye+.