Pwovèb
6 Pitit mwen, si w pwomèt* pou w responsab dèt yon moun+,
Si w te fè yon antant* ak yon etranje+,
2 Si w mele akoz pwomès ou te fè a,
Si w pran nan pyèj akoz pawòl ki te sot nan bouch ou+,
3 Pitit mwen, men sa pou w fè pou w ka libere tèt ou,
Paske w tonbe anba men moun nan:
Al bese w devan l e kouri al sipliye l+.
4 Pa kite dòmi pran w,
E pinga w kite je w fèmen.
5 Libere tèt ou menm jan ak yon sèf* ki chape anba men yon chasè,
Menm jan ak yon zwazo ki chape anba men yon moun ki tann pèlen pou li.
7 Aktout yo pa gen ni kòmandan, ni chèf, ni moun k ap dirije yo,
8 Yo sere manje nan sezon chalè+,
E nan sezon rekòt, yo rasanble manje y ap bezwen.
9 Ou menm parese, pandan konbyen tan w ap ret kouche la a?
Ki lè w ap leve nan dòmi?
10 Lè w ret ap fè yon ti dòmi, ou ret ap fè yon ti kabicha,
Ou kwaze bra w pou w pran yon ti repo+,
11 Enben, lamizè ap vin sou ou tankou yon bandi.
W ap vin tèlman nan nesesite, se kòmsi se yon moun ak zam ki vin atake w+.
12 Moun ki pa itil anyen e ki mechan an ap mache di pawòl kwochi+,
13 L ap touye je l+, l ap fè siy ak pye l, l ap fè siy ak dwèt li.
15 Se sa k fè malè ap tonbe sou li sanzatann.
Nan yon ti moman, y ap kraze l e li pap jwenn gerizon+.
17 Je moun ki gen ògèy+, lang moun k ap bay manti+, men moun k ap fè san inosan koule+,
18 Kè moun k ap fè konplo pou fè sa ki mal+, pye moun k ap prese al fè mechanste,
19 Yon fo temwen k ap bay manti san pran souf+,
Ak nenpòt moun k ap simen divizyon nan mitan frè+.
21 Toujou konsève yo nan kè w.
Mare yo nan kou w.
23 Paske, kòmandman an se yon lanp+,
E lalwa se yon limyè+,
Epi disiplin k ap bay koreksyon an se chemen lavi a+.
24 Y ap pwoteje w pou w pa tonbe anba men fi ki pa bon an+,
25 Pinga w kite kè w fè w tonbe gade l paske li bèl+,
E pinga w kite l pran w ak bèl je li genyen yo,
26 Paske yon pwostitye ka fè yon gason vin ret ak yon moso pen sèlman+,
Men, madanm yon lòt gason ka lakòz yon nonm pèdi lavi l*.
27 Èske yon moun ka met dife nan lestomak li epi pou rad li pa boule+?
28 Oubyen èske yon moun ka mache sou chabon ki tou limen san pye l pa boule?
29 Se menm bagay la tou pou yon moun ki kouche ak madanm yon lòt moun.
Pa gen moun ki touche yon fi konsa ki pap jwenn pinisyon+.
30 Moun pa gade yon vòlè mal
Si l vòlè pou l jwenn manje pou l manje* paske l grangou.
31 Epoutan, lè yo pran l, l ap remèt sèt fwa sa l te pran an.
L ap bay tout bagay ki gen valè li gen lakay li+.
32 Nenpòt moun ki fè adiltè ak yon fi, se yon moun sòt* li ye.
34 Paske jalouzi ka fè yon mari vin an kòlè anpil.
Li pap gen pitye lè l ap vanje+.
35 Li pap aksepte anyen* pou sa k fèt la,
Li pap kalme l, kèlkeswa gwosè kado ou ba li.