Zakari
9 Men mesaj Bondye bay:
“Men pawòl Jewova di kont peyi Adrak,
E se sitou kont Damas li di l*+,
Paske, je Jewova ap gade lèzòm+,
E l ap gade tout tribi Izrayèl yo,
2 Epi, li di pawòl sa a tou kont Amat+ ki gen fwontyè ak Damas,
E kont vil Ti+ ak vil Sidon+, malgre yo gen moun ki gen sajès ladan yo+.
3 Moun vil Ti yo te bati yon ranp* pou pwoteje vil la.
Yo te anpile ajan tankou pousyè,
E yo te anpile lò tankou labou nan lari+.
4 Gade! Jewova ap retire tout sa yo genyen yo,
L ap detwi lame yo a nan lanmè*+,
E y ap boule l nan dife+.
5 Achkelon ap wè sa e l ap vin pè.
Gaza ap boulvèse anpil
Ansanm ak Ekwon, paske lawont pral tonbe sou vil Ekwon met espwa l nan li a.
Yon wa pral peri nan Gaza,
E moun pap abite nan Achkelon+.
6 Yon etranje pral abite nan Achdòd,
Epi, m ap kraze ògèy Filisti nèt+.
7 M ap retire bagay ki sal ak san yo nan bouch li,
M ap retire bagay ki bay repiyans yo anba dan l,
E l ap rete pou Bondye.
L ap vin tankou yon chèf tribi nan Jida+,
Epi, moun Ekwon yo ap vin tankou moun Jebis yo+.
8 M ap kanpe deyò kay mwen an pou m veye l+,
Yon fason pou pèsonn pa pase ladan l oswa retounen ladan l.
Pa gen okenn chèf k ap fòse moun travay di* k ap pase ladan l ankò+,
Paske kounye a, mwen wè sa k rive yo* ak je m.
9 O vil Siyon, se pou w kontan anpil.
O vil Jerizalèm, se pou w rele, se pou w fè fèt.
Gade! Wa w la ap vin jwenn ou+.
Li jis, li pot delivrans*,
Li gen imilite+ e li monte sou yon bourik,
10 M ap retire charyo moun konn al nan lagè yo nan Efrayim,
Ansanm ak cheval ki sot Jerizalèm yo.
Banza* moun konn al nan lagè yo pap la ankò.
L ap anonse nasyon yo pral gen lapè+.
Li pral dirije sot nan yon lanmè rive nan yon lòt lanmè,
11 Kanta pou ou, o madanm*, poutèt san alyans mwen fè avè w la,
M ap fè prizonye w yo soti nan twou ki pa gen dlo a+.
12 Nou menm prizonye ki gen yon espwa, retounen nan fòtrès la+.
Jodi a, m ap di w sa:
‘O madanm, m ap ba w de pòsyon benediksyon+.
13 Paske, m ap detire Jida tankou banza m nan.
M ap fè Efrayim vin tankou yon flèch pou met nan banza,
Epi, ou menm, o vil Siyon, m ap reveye pitit gason w yo
Pou yo batay ak pitit gason peyi Lagrès yo,
E m ap fè w vin tankou yon epe ki nan men yon sòlda ki nan lagè.’
14 Jewova ap fè wè byen klè li ansanm ak pèp li a,
E flèch li ap rapid tankou zèklè.
Jewova, Seyè ki Souvren an, ap sonnen kòn+,
E l ap batay ak ènmi l yo tankou van tanpèt ki sot nan direksyon sid.
15 Jewova, Chèf lame yo, ap defann pèp li a.
Ènmi pral atake yo ak flonn, men y ap pot laviktwa sou ènmi sa yo+.
Yo pral kontan e y ap rele kòmsi se diven yo te bwè.
Epi, y ap plen tankou veso yo itilize lè y ap fè sakrifis yo,
Tankou kwen lotèl la+.