Miche
1 Men mesaj Jewova te bay Miche*+, moun Morechèt, nan epòk Jotam+, Ahaz+ ak Ezekyas+ te wa nan Jida+, mesaj Miche te resevwa nan yon vizyon konsènan Samari ak Jerizalèm:
2 “Nou menm pèp yo, se pou nou koute!
Ou menm tè a ak tout sa w genyen, se pou nou byen koute,
E se pou Jewova, Seyè ki Souvren an, sèvi kòm temwen kont nou+,
Detan Jewova nan tanp li an ki sen.
3 Paske, gade, Jewova ap soti kote l ye a,
L ap desann e l ap mache sou zòn ki wo ki sou tè a.
E plèn yo ap fann de bò
Tankou lasi ki nan dife,
Tankou dlo k ap desann sou yon mòn ki apik.
5 Tout sa ap fèt paske Jakòb te fè rebèl,
Paske moun Izrayèl yo te peche+.
Kiyès pou yo repwoche pou rebelyon Jakòb la?
Èske se pa Samari+?
E kiyès pou yo repwoche pou kote ki wo yo konn fè adorasyon ki nan Jida yo+?
Èske se pa Jerizalèm?
6 M ap fè Samari vin tankou yon pil mazi ki nan yon savann,
M ap fè l tounen yon kote pou yo fè jaden rezen.
M ap lage wòch li yo anba nan vale a,
E m ap fè fondasyon l yo parèt.
7 Y ap kraze tout zidòl li yo fè miyèt moso+,
E y ap boule tout kado yo te ba li pou l vann kò l yo*.
M ap detwi tout zidòl li yo+.
Se ak kòb li te fè antanke pwostitye li te vin gen bagay sa yo,
E y ap sèvi avèk yo pou yo peye lòt pwostitye.”
8 Se poutèt sa, m ap plenn e m ap rele+,
M ap mache toutouni, pye atè+.
M ap rele tankou chen sovaj,
M ap plenn tankou otrich.
9 Paske, maleng Samari a pa ka geri+.
Li rive jis Jida+.
Maleng nan gaye rive jis nan pòtay vil Jerizalèm, kote pèp mwen an ap viv la+.
10 “Pinga n fè konnen nouvèl sa a nan Gat.
Mete sou sa, nou pa dwe kriye.
Woule kò nou nan pousyè nan Bètafra*.
11 Al fè wout nou toutouni, tou wont, o nou menm moun ki abite Chafi yo.
Moun ki abite Zaanan yo pa soti.
Se rèl sèlman k ap gen nan Bètezèl, e li pap ka ede nou ankò.
12 Moun ki abite Mawòt yo t ap ret tann sa ki bon,
Men, se move bagay Jewova fè rive nan pòtay vil Jerizalèm nan.
13 Mare cheval devan charyo a, o nou menm moun ki abite Lakis yo+.
Se akoz nou menm Siyon, pitit fi m nan, te kòmanse peche.
Paske, yo te jwenn rebelyon ki fèt ann Izrayèl yo anndan w+.
14 Kidonk, w ap bay Morechètgat kado lè l prale.
Kay Akzib yo+ te twonpe wa Izrayèl yo.