Miche
2 “Malè pou moun k ap konplote pou yo fè sa ki mal,
Moun k ap planifye move bagay pandan yo sou kabann yo!
Kou l fè klè, yo fè sa yo te planifye a,
Piske yo gen pouvwa pou yo fè sa+.
3 Kidonk, men sa Jewova di:
‘M ap prepare yon malè pou pèp sa a+, yon malè nou pap chape anba l*+.
N ap sispann mache avèk awogans+, paske lè a rive pou m lage yon malè sou nou+.
4 Nan jou sa a, moun yo pral sèvi ak pwovèb pou yo pale de nou,
Y ap pran lapenn pou nou+.
Y ap di: “Yo fini avèk nou nèt+.
Li fè lòt moun pran peyi pèp nou an te genyen an. Gade jan l retire peyi a nan men nou+!
Li bay moun ki pap sèvi l jaden nou te genyen yo.”
5 Se sa k fè nou pap gen pèsonn nan mitan pèp Jewova a
Pou rale kòd pou mezire a pou separe tè ki nan peyi a.
6 Yo di: “Sispann preche pawòl sa yo!
Yo pa ta dwe preche pawòl sa yo.
Imilyasyon pap tonbe sou nou!”
7 Men sa moun yo ap di, o nou menm desandan Jakòb yo:
“Èske Jewova pèdi pasyans?*
Èske se konsa li konn aji?”
Èske pawòl mwen yo pa fè moun k ap mache dwat yo jwenn sa ki bon?
8 Men, sèjousi, pèp mwen an tounen yon ènmi pou mwen.
Nou pran bèl bagay moun k ap pase san kè sote yo gen sou yo*,
Moun ki tankou moun k ap tounen sot nan lagè yo, e nou fè sa devan je tout moun.
9 Nou mete medam nan pèp mwen an deyò nan kay yo kote yo te alèz.
Nou retire glwa m sou pitit yo pou toutan.
10 Leve, ale, paske peyi sa a pa pou nou ankò, nou pap rete la ankò.
Akoz bagay sal nou fè yo+, gen yon destriksyon k ap vini, yon gwo destriksyon+.
11 Si yon gason ap kouri dèyè van, l ap bay manti e l ap di:
“Se sou diven ak tafya m ap pale avèk nou”,
Ebyen, li t ap yon moun k ap preche pou fè pèp sa a plezi+.