Ezayi

52 Leve! Leve! Met kouraj sou ou+, o Siyon+!

Abiye ak bèl rad ou genyen yo+, o Jerizalèm, vil ki sen an.

Paske, moun ki pa sikonsi e ki pa pwòp* yo pap antre lakay ou ankò+.

 2 O Jerizalèm, leve, souke pousyè ki sou ou yo, epi al chita.

Retire chenn ki nan kou nou yo, nou menm moun Siyon yo ki nan prizon+.

 3 Paske, men sa Jewova di:

“Yo pa t vann nou pou lajan+,

E se san lajan y ap reyachte n+.”

 4 Paske, men sa Jewova, Seyè ki Souvren an, di:

“Toudabò, pèp mwen an te desann al viv ann Ejip kòm etranje+.

Annapre, moun peyi Asiri yo te maltrete yo san rezon.”

 5 Men sa Jewova di: “Ki sa m dwe fè la a menm?”

Epi, Jewova di: “Paske, yo te pran pèp mwen an san yo pa peye anyen.

Chèf yo te genyen yo te kontinye ap fè bri paske yo te pot laviktwa+.

Se toutan, tout lajounen, y ap montre jan yo pa gen respè pou non m+.

 6 Se poutèt sa, pèp mwen an pral konn non m+.

E se pou rezon sa a, jou sa a, y ap konnen mwen se Sila a k ap pale a.

Gade! Se mwen menm menm!”

 7 Ala bèl pye moun k ap pot bon nouvèl la bèl sou mòn yo+,

Moun k ap pwoklame lapè a+,

Moun k ap pot bon nouvèl sou yon bagay ki pi bon an,

Moun k ap anonse delivrans lan,

Moun k ap di moun Siyon yo: “Bondye nou an vin Wa+!”

 8 Koute! Moun k ap veye nou yo rele byen fò.

Yo tout rele ansanm, tèlman yo kontan.

Paske, y ap wè byen klè* lè Jewova rasanble moun Siyon yo ankò.

 9 Se pou kè nou kontan! Se pou n rele ansanm, tèlman nou kontan, nou menm zòn ki kraze nan Jerizalèm yo+!

Paske, Jewova konsole pèp li a+. Li delivre Jerizalèm+.

10 Jewova montre ponyèt li ki sen pou tout nasyon yo ka wè l+.

Tout moun sou tè a pral wè sa Bondye nou an fè pou l delivre pèp li a*+.

11 Retounen! Retounen! Soti la a+! Pa manyen anyen ki sal+!

Soti ladan l+! Rete pwòp,

Nou menm k ap pote veso Jewova yo+.

12 Paske, nou pap gen pou n pati nan tèt cho

E nou pap gen pou n kouri,

Paske, Jewova ap pran devan nou+,

Bondye Izrayèl la ap dèyè nou pou l pwoteje nou+.

13 Gade! Sèvitè m nan+ ap aji ak bon konprann.

Y ap leve l byen wo.

Y ap mete l byen wo e y ap fè anpil lwanj pou li+.

14 Menm jan anpil moun te fè sezisman lè yo t ap gade l,

Paske, li te fin defigire nèt, pa gen moun ki te pi mal pase l,

E li te tèlman chanje, pa gen moun ki te nan eta l.

15 Konsa tou, anpil nasyon ap pantan lè yo wè l+.

Wa yo ap fèmen bouch yo* devan l+,

Paske, yo pral wè bagay yo pa t rakonte yo,

E yo pral reflechi sou bagay yo pa t konn tande+.