1 Wa
4 Wa Salomon t ap dirije tout Izrayèl+. 2 Men gwo fonksyonè* li te genyen yo: Azarya, pitit gason Zadòk+, te prèt, 3 Eliyorèf ak Ayija, pitit gason Chicha yo, te sekretè+, Jozafa+, pitit gason Ayiloud, te la pou l ekri sa k ap pase, 4 Benaya+, pitit gason Jewoyada, te responsab lame a, Zadòk ak Abyata+ te prèt, 5 Azarya, pitit gason Natan+, te chèf tout gouvènè yo, Zaboud, pitit gason Natan, te prèt e li te zanmi wa a+, 6 Ayicha te responsab palè a e Adoniram+, pitit gason Abda, te chèf travayè yo+.
7 Salomon te gen 12 gouvènè ki te responsab tout Izrayèl e ki te konn founi wa a ak moun nan palè a manje. Chak gouvènè sa yo te responsab pou yo bay manje pou yon mwa nan ane a+. 8 Men moun ki te gouvènè yo: Pitit gason Ou a, ki te responsab zòn ki gen mòn nan Efrayim nan, 9 pitit gason Dekè a, ki te responsab Makaz, Chaalbim+, Bètchemèch ak Elonbètanan, 10 pitit gason Esèd la, ki te responsab Awoubòt (li te gen Soko ak tout zòn Efè a sou kont li), 11 pitit gason Abinadab la, ki te responsab ti mòn ki nan zòn Dò yo (li te marye ak Tafat, yon pitit fi Salomon), 12 Bana, pitit gason Ayiloud, ki te responsab Tanak, Megido+ ak tout Bètcheyan+, ki toupre Zaretan e ki pi ba Jizreyèl, tout zòn ki soti Bètcheyan an rive Abèlmewola epi rive Jokmeyam+, 13 pitit gason Gebè a, ki te responsab Ramòtgalaad+ (li te gen tout ti vil ki gen tant ki nan Galaad+ ki te pou Jayi+, pitit gason Manase a, sou kont li, mete sou 60 gwo vil ki gen miray ki antoure yo ak travès an kuiv nan pòtay yo ki nan zòn Agòb+, nan Bazan+), 14 Ayinadab, pitit gason Ido, ki te responsab Maanayim+, 15 Ayimaz, ki te responsab tèritwa tribi Neftali a (li te marye ak Basmat, yon lòt pitit fi Salomon), 16 Bana, pitit gason Ouchayi, ki te responsab tèritwa tribi Achè a ak Beyalòt, 17 Jozafa, pitit gason Pawouya, ki te responsab tèritwa tribi Isaka a, 18 Chimeyi+, pitit gason Ela, ki te responsab tèritwa tribi Benjamen an+, 19 Gebè, pitit gason Ouri, ki te responsab Galaad+ ansanm ak tèritwa ki te pou Siyon+, wa Amorit yo, ak tèritwa ki te pou Òg+, wa Bazan an. Mete sou sa, te gen yon gouvènè ki te chèf tout gouvènè sa yo nan peyi a.
20 Moun Jida yo ak moun Izrayèl yo te anpil tankou grenn sab bò lanmè+. Yo t ap manje, yo t ap bwè e yo t ap viv ak kè kontan+.
21 Salomon te domine sou tout wayòm yo, soti nan Rivyè a*+ rive nan peyi moun Filisti yo ak nan fwontyè peyi Ejip la. Yo te konn peye Salomon taks e yo te sèvi l pandan tout vi l+.
22 Men kantite manje yo te konn prepare chak jou pou palè a: anviwon 156 sak* farin bon kalite, anviwon 312 sak* lòt farin, 23 ak 10 bèf yo angrese nan pak, 20 bèf yo pran nan savann, 100 mouton, san konte sèf*, gazèl*, den* ak bèt volay ki byen gra. 24 Salomon te gen kontwòl sou tout bagay sou bò lwès Rivyè a*+, soti Tifsa rive Gaza+, e tout wa ki te sou bò lwès Rivyè a te soumèt devan l. Te gen lapè toupatou nan wayòm li an+. 25 Pandan tout tan Salomon te wa a, tout moun nan Jida ak tout moun ann Izrayèl, soti Dann rive Beyècheba, t ap viv an sekirite. Yo chak te chita anba pye rezen yo e anba pye fig frans yo.
26 Salomon te gen 4 000* pyès nan kay yo te met cheval pou rale charyo l yo e l te gen 12 000 cheval*+.
27 Gouvènè Salomon te genyen yo te konn founi Salomon ak tout moun ki te konn manje sou tab li yo manje. Yo chak te responsab pou yo fè sa yon mwa nan ane a, e yo te veye pou pa gen anyen ki manke+. 28 Mete sou sa, yo te konn pote kantite lòj* ak kantite pay yo te dwe pote pou cheval yo, san wete cheval ki te konn rale charyo yo, kèlkeswa kote yo te dwe pote yo a.
29 Bondye te bay Salomon anpil sajès ak bon jijman, li te ba l yon kè ki gen anpil kapasite pou l konprann*, nan yon nivo moun pa ka mezire+. 30 Salomon te gen plis sajès pase tout moun ki t ap viv nan zòn Lès yo e pase tout moun peyi Ejip yo+. 31 Li te gen plis sajès pase nenpòt lòt moun. Li te gen plis sajès pase Etan+, yon desandan Zera, pase Eman+, Kalkòl+ ak Dada, pitit gason Mawòl yo. Moun nan tout nasyon ki ozalantou peyi Izrayèl yo te tande pale de Salomon+. 32 Li te ekri* 3 000 pwovèb+ e li te ekri 1 005 chante+. 33 Li te konn pale sou tout kalite pyebwa, soti nan pye sèd ki Liban yo rive sou ti pye izòp+ ki pouse sou mi yo. Li te konn pale sou bèt kat pat+, sou zwazo*+, sou bèt ki rale sou vant*+ ak pwason. 34 Moun nan tout nasyon te konn vin tande Salomon k ap pale, paske li te gen anpil sajès. Menm wa ki te tande pale de sajès Salomon genyen te soti toupatou sou latè pou yo vin tande l+.