Malachi
4 “Paske gade! jou a ap rive, l ap cho tankou yon founèz dife+, se yon jou kote tout moun ki pran dwa ki pa pou yo ak tout moun k ap fè sa ki mal ap vin tankou pay. San mank, yo pral detwi nan jou k ap vini an e pap ret ni rasin ni branch.” Se sa Jewova, Chèf lame yo, di. 2 “Men, solèy jistis la pral klere sou nou, nou menm ki onore* non m, e reyon* li yo ap pot gerizon. Epi, n ap ponpe tankou jenn towo bèf ki byen gra.”
3 “Epi, n ap pilonnen mechan yo anba pye, paske jou m ap aji a, y ap vin tankou pousyè ki anba pye nou.” Se sa Jewova, Chèf lame yo, di.
4 “Sonje Lalwa Moyiz, sèvitè m nan, anpalan de lòd ak kòmandman mwen te ba l sou Mòn Orèb pou tout pèp Izrayèl la obeyi+.
5 “Gade! M ap voye pwofèt Eli+ kote nou anvan gran jou Jewova a rive, jou ki bay laperèz la+. 6 L ap fè kè papa yo vin menm jan ak kè pitit yo+ e l ap fè kè pitit yo vin menm jan ak kè papa yo*, pou m pa vin frape tè a, pou m pa detwi l.”
(Fen tradiksyon Liv ki te ekri ann ebre ak arameyen yo. Apre yo, n ap jwenn Liv ki te ekri an grèk yo)