Jòb

 2 “Èske se paske w tèlman kwè ou gen rezon ki fè w di:

‘Mwen pi dwat pase Bondye+’?

 3 Paske ou di: ‘Ki te mele w*?

Èske sa pa t ap pi bon pou mwen si m te peche+?’

 4 M ap reponn ni ou menm

Ni zanmi w+ ki avè w yo.

 5 Leve je w gad syèl la,

Gade nyaj+ ki sou tèt ou yo.

 6 Si w peche, ki mal ou fè Bondye+?

Si w ap benyen nan peche, ki sa w fè l+?

 7 Si w ap fè sa ki dwat, ki sa w ba li?

Ki sa l jwenn nan men w+?

 8 Se sèlman moun parèy ou ki soufri pou sa w fè ki mal,

E sa w fè ki dwat aji sou lòt moun.

 9 Moun pran rele lè y ap fè yo pase anpil tray,

Yo rele pou yo mande sekou anba men gwo zotobre yo+.

10 Men, pa gen pèsonn ki di: ‘Kot Bondye, Gran Kreyatè m nan+,

Sila a ki fè yo chante chan louwanj pou li lannuit lan+?’

11 Li montre nou+ plis bagay pase bèt ki sou tè a+,

E li fè nou gen plis sajès pase zwazo ki nan syèl la.

12 Moun ap rele, men li pa reponn+,

Akoz ògèy moun ki mechan yo+.

13 Vrèmanvre, Bondye pa tande rèl moun ki sou blòf yo*+.

Toupisan an pa tande yo.

14 Alewè pou l ta tande w lè w ap plenyen di ou pa wè l+!

Apa ka pa w la devan l, se pou w ret tann li+!

15 Paske li pa t mande w regleman pandan l tou fache,

Ni li pa t okipe w lè w t ap plede di yon pakèt vye pawòl+.

16 Jòb pale anpil pou granmesi.

Li di yon pakèt pawòl san l pa gen konesans+.”