Pwovèb

29 Yon moun ki fè tèt di apre yo fin korije l yon pakèt fwa+,

Nan yon ti moman y ap kraze l e li pap ka refè+.

 2 Lè gen anpil moun k ap fè sa ki dwat, pèp la kontan,

Men, lè se mechan k ap dirije, pèp la nan plenyen+.

 3 Yon moun ki renmen sajès fè papa l kontan+,

Men, yon moun ki renmen rete ansanm ak pwostitye gaspiye richès li genyen+.

 4 Lè yon chèf fè sa ki dwat, tout bagay mache byen nan yon peyi+,

Men, yon moun k ap chèche jwenn kado anba anba lakòz peyi a kraze.

 5 Yon moun k ap flate moun

Se yon pyèj li tann pou moun nan+.

 6 Peche yon moun ki mechan lakòz li tonbe nan pyèj+,

Men, moun ki fè sa ki dwat yo ap tèlman kontan y ap rele e y ap fè fèt+.

 7 Moun ki dwat bay dwa malere yo genyen enpòtans+,

Men, moun ki mechan pa okipe bagay konsa+.

 8 Moun k ap fè grandizè fè yon vil pran dife+,

Men, moun ki gen sajès kalme kòlè+.

 9 Lè yon moun ki gen sajès antre nan diskisyon ak yon moun sòt,

Ap gen fache, ap gen pase moun nan rizib, men anyen pap regle+.

10 Moun ki renmen fè san koule rayi moun ki inosan*+

E yo chèche retire lavi* moun ki dwat*.

11 Yon moun ki sòt fè konnen tout sa k nan kè* l+,

Men, moun ki gen sajès la pran san l pou l kontwole tèt li+.

12 Lè yon chèf koute manti moun ap bay,

Tout sèvitè l yo ap vin mechan+.

13 Men sa ki fè moun ki malere ak moun k ap toupizi moun nan sanble*:

Se Jewova ki fè je toule de wè limyè*.

14 Lè yon wa fè malere jwenn jistis+,

Twòn li ap rete la pou toutan+.

15 Baton* ak koreksyon fè moun gen sajès+,

Men, yon timoun yo kite fè sa l vle ap fè manman l wont.

16 Lè mechan yo vin anpil, vin gen anpil peche,

Men, moun ki dwat yo ap wè jan y ap tonbe+.

17 Bay pitit ou disiplin, l ap fè w jwenn repo

E l ap fè w* gen anpil kè kontan+.

18 Kote ki pa gen vizyon*, pèp la lage san kontwòl+,

Men, moun ki obeyi lalwa yo ap viv ak kè kontan+.

19 Yon sèvitè pap kite yo korije l ak pawòl,

Paske menmsi l konprann, li pa obeyi+.

20 Èske w deja wè yon moun k ap prese pale+?

Ebyen, gen plis espwa pou moun ki sòt la korije pase l+.

21 Si yon moun gate yon sèvitè depi l piti,

Rive yon lè, sèvitè sa a ap vin engra.

22 Yon moun ki gen tandans fè kòlè leve diskisyon+,

Moun ki renmen fè gwo kòlè fè anpil peche+.

23 Ògèy yon moun genyen ap rabese l+,

Men, moun ki gen imilite nan kè l ap jwenn glwa+.

24 Moun ki fè zanmi ak yon vòlè rayi tèt li*.

Li ka tande yo rele moun vin sèvi temwen*, men li pa al di anyen+.

25 Tranble devan* moun se* yon pyèj+,

Men, moun ki mete konfyans yo nan Jewova ap jwenn pwoteksyon+.

26 Anpil moun ap chèche pale ak* chèf,

Men, se Jewova k ap fè yon moun jwenn jistis+.

27 Moun k ap fè sa ki dwat pa vle wè moun k ap fè sa ki mal+,

Men, moun ki mechan yo pa vle wè moun k ap fè sa ki dwat+.