Sòm

22 Bondye m nan, Bondye m nan, poukisa w abandone m+?

Poukisa w rete lwen m konsa e w pa vin sove m?

Poukisa w rete lwen m konsa pandan m ap plenn+?

 2 Bondye m nan, mwen kontinye rele w tout lajounen,

Men w pa reponn mwen+, e nan nuit, mwen pa sispann rele w.

 3 Ou sen+,

Pèp Izrayèl la fè anpil louwanj* pou ou.

 4 Se nan ou zansèt nou yo te met konfyans yo+.

Yo te met konfyans yo nan ou e w te sove yo+.

 5 Yo te rele nan pye w e w te sove yo.

Yo te met konfyans yo nan ou, e yo pa t regrèt yo te fè sa*+.

 6 Tout moun ap pase m nan rizib*, yo meprize m+,

Kòmsi mwen se yon vètè, mwen pa moun.

 7 Tout moun ki wè m ap bat plezi sou mwen+,

Y ap pale m mal, yo souke tèt yo e y ap pase m nan rizib+. Y ap di:

 8 “Li met konfyans li nan Jewova, se pou L delivre l!

Kòm Li renmen l anpil, se pou L sove l+!”

 9 Se ou menm ki te fè m soti nan vant manman m+,

Se ou menm ki te fè m santi m an sekirite lè m te nan tete.

10 Depi lè m fèt se ou k ap pran swen m*,

Depi lè m nan vant manman m se ou menm ki Bondye m.

11 Pa rete lwen m, paske malè prèske tonbe sou mwen+,

E m pa gen lòt moun ki pou ede m+.

12 Gen yon pakèt jenn towo bèf ki antoure m+,

Yon seri towo bèf ki chaje fòs e ki sot Bazan ansèkle m+.

13 Yo ouvri bouch yo men lajè sou mwen+

Tankou yon lyon k ap gwonde e k ap dechire yon bèt li pran+.

14 Tout ti fòs mwen fin ale tankou dlo yo vide atè,

Tout zo nan kò m dejwente.

Kè m vin tankou lasi+,

Se fonn mwen santi l ap fonn anndan m+.

15 Mwen pa gen fòs ankò, mwen tankou yon moso veso ann ajil+,

Lang mwen kole nan jansiv mwen+.

Ou desann mwen byen ba nan pousyè pou m mouri+.

16 Gen chen ki antoure m+,

Yo ansèkle m tankou yon bann malfektè+,

E yo tankou lyon k ap devore men m ak pye m+.

17 Mwen ka konte tout zo nan kò m+.

Ènmi m yo kontinye ap gade m, je yo fikse sou mwen.

18 Yo separe rad mwen yo antre yo,

E yo fè tiraj osò pou rad mwen an+.

19 Men ou menm, o Jewova, pa rete lwen m+.

Se ou menm ki fòs mwen, prese vin ede m+.

20 Sove m* anba epe yo,

Sove lavi m ki gen anpil valè* anba pat* chen yo+.

21 Sove m anba bouch lyon yo+ e anba kòn towo bèf sovaj yo.

Reponn mwen epi sove m.

22 M ap fè frè m yo konn non w+.

M ap fè louwanj pou ou nan mitan kongregasyon an+.

23 Nou menm ki gen lakrentif pou Jewova, fè louwanj pou li!

Nou menm desandan* Jakòb, ba l glwa+!

Nou menm desandan* Izrayèl, kanpe devan l avèk respè.

24 Paske, li pa t fèmen je l sou soufrans moun ki t ap soufri a, li pa t meprize l+.

Li pa t kache figi l pou l pa wè l+.

Lè moun k ap soufri a te rele l pou l mande l èd li, li te tande l+.

25 M ap louwe w nan mitan gwo kongregasyon an+,

M ap fè tout sa mwen te pwomèt ou yo devan moun ki gen lakrentif pou ou yo.

26 Moun ki gen imilite yo ap manje e vant yo ap plen+,

Moun k ap chèche Jewova yo ap fè louwanj pou li+.

Se pou w* viv pou toutan.

27 Moun ki nan dènye bout tè a ap sonje Jewova e y ap tounen vin jwenn li.

Tout fanmi ki gen nan nasyon yo ap bese byen ba devan l+.

28 Paske se Jewova ki Wa+,

L ap domine sou nasyon yo.

29 Tout moun ki rich* sou tè a gen pou yo manje e pou yo bese byen ba devan l,

Tout moun ki pral nan pousyè yo gen pou yo met ajenou devan l,

Yo youn pa ka sove lavi* yo.

30 Desandan yo* gen pou sèvi Jewova,

Jenerasyon k ap vini an gen pou l tande pale de li.

31 Yo gen pou yo vini e yo gen pou yo pale de jistis li gen lakay li,

Yo gen pou yo pale ak moun ki pral fèt yo konsènan sa l te fè.