Sòm

41 Byennere moun ki pran ka moun ki ba yo+.

Jewova ap delivre l nan jou malè a.

 2 Jewova ap pwoteje l, l ap fè l ret vivan.

Moun sou tè a ap fè konnen li gen kè kontan+.

Ou pap janm lage l nan men ènmi l yo pou yo fè sa yo vle avè l+.

 3 Jewova ap ede l pandan l kouche sou kabann li tou malad+.

L ap pran swen l pandan l malad la.

 4 Men sa m te di: “O Jewova, fè m favè+.

Geri m*+, paske mwen peche kont ou+.”

 5 Men, ènmi m yo ap pale m mal, y ap di:

“Ki lè l ap mouri pou yo bliye l?”

 6 Lè youn nan ènmi m yo vin wè m, se manti li ban m paske se sa k nan kè l.

Li chèche sa k pa bon pou l di sou mwen.

Apre sa, li soti epi li gaye pawòl la.

 7 Tout moun ki rayi m yo ap pale tou ba sou do m.

Y ap fè konplo sou do m pou yo fè m sa ki mal.

Y ap di:

 8 “Gen yon malè ki rive l.

Kounye a, li pa bon menm, li pap leve ankò+.”

 9 Menm bon zanmi mwen te fè konfyans+

Ki te konn manje ansanm avè m nan vire* kont mwen+.

10 Men ou menm, o Jewova, se pou w fè m favè, se pou w fè m leve

Pou m pini yo.

11 Sa k ap fè m konnen ou kontan avè m,

Se lè m wè ènmi m yo pa ka fè fèt sou do m+.

12 Kanta pou mwen, se fidelite m ki fè w kontinye soutni m+.

W ap fè m rete bò kote w pou toutan+.

13 Se pou Jewova, Bondye Izrayèl la, jwenn louwanj

Pou tout tan gen tan+.

Amèn*, amèn.