Ezayi
12 Jou sa a, se sèten nou chak ap di:
“O Jewova, mwen di w mèsi.
Paske, malgre w te fache kont mwen,
Kòlè w te vin bese tikras pa tikras e w te konsole m+.
2 Se Bondye ki delivrans mwen+.
M ap met konfyans mwen nan li e mwen pap pè anyen+.
Paske Ja*, Jewova, se fòs mwen, li se pisans mwen
E li se delivrans mwen+.”
3 Se ak kè kontan n ap pran dlo
Nan sous delivrans lan+.
4 Jou sa a n ap di:
“Se pou n di Jewova mèsi, se pou n envoke non l!
Se pou n fè pèp yo konnen aksyon l fè yo+!
Se pou n fè konnen jan non l gran+!
5 Se pou n chante pou nou fè louwanj*+ pou Jewova, paske li fè anpil bagay estrawòdinè+!
Se pou nou fè moun tout kote sou tè a konn sa!
6 Nou menm moun* Siyon, se pou nou rele, se pou n fè rèl pou n montre jan n kontan!
Paske, Bondye Izrayèl la, Bondye ki sen an, gen pisans nan mitan nou.”