Sòm
Pou moun k ap dirije mizisyen yo. Jedoutoun*. Yon chante Asaf te ekri+.
77 Avèk vwa mwen, m ap rele Bondye byen fò.
M ap rele Bondye byen fò e l ap tande m+.
2 Lè mwen nan pwoblèm, mwen chèche Jewova+.
Lannuit, mwen pa sispann leve men m devan l.
Men, mwen* pa jwenn konsolasyon.
4 Ou fè je m ret ouvè.
Mwen boulvèse e mwen pa ka pale.
5 M ap panse ak tan lontan+,
Wi, m ap panse ak ane nan tan lontan yo.
6 Nan lannuit, mwen sonje chante m nan*+,
Mwen reflechi nan kè m+.
Mwen* chèche konprann, mwen mande tèt mwen:
8 Èske l ap sispann demontre lanmou fidèl li genyen an pou toutan?
Èske pwomès li a ap rete san l pa reyalize, jenerasyon apre jenerasyon?
9 Èske se bliye Bondye bliye fè nou favè+,
Oubyen èske se fache li fache ki fè li pa demontre mizèrikòd pou nou ankò? (Sela)
10 Èske se pou m kontinye di l: “Sa k fè m lapenn nan*+ sèke
Sila a ki nan pi gwo pozisyon an pa aji avèk nou menm jan an ankò”?
11 M ap sonje aksyon Ja fè yo.
Wi, m ap sonje gwo aksyon ou te fè lontan yo.
12 M ap medite sou tout aksyon w yo,
M ap reflechi sou fason w boule ak nou+.
13 O Bondye, chemen w yo sen.
Ki dye ki gen glwa tankou w, o Bondye+?
17 Dlo te vide sot nan nyaj yo,
Loray te gwonde nan syèl la ki te plen ak nyaj.
Kout zèklè w yo te flache toupatou tankou flèch+.
18 Bri loray ou a+ te tankou bri wou charyo k ap kouri,
Kout zèklè yo te flache e yo te klere tè a*+.
Tè a te pran tranble+.
19 Ou te ouvri yon chemen pou ou nan mitan lanmè a+,
Wi, ou te fè yon wout nan mitan gwo dlo yo.
Men, moun pa t ka wè mak pye w kote w te pase yo.