Ezayi
2 Okontrè, se bagay mal nou fè yo ki separe nou ak Bondye nou an+.
Se peche nou yo ki fè li kache figi l pou nou
E ki fè l refize tande nou+.
3 Paske, men nou sal ak san+,
E dwèt nou yo sal ak peche.
Se manti ki sot nan bouch nou+ e se sa ki pa jis n ap di tou ba ak lang nou.
4 Pa gen yon moun ki di anyen pou defann sa ki dwat+,
E pa gen pèsonn k al nan tribinal pou l di laverite.
Yo met konfyans yo nan sa ki pa gen okenn valè*+, e y ap pale pawòl ki pa itil anyen.
Yo gen move panse nan tèt yo e yo toujou ap fè lòt moun mechanste+.
5 Yo kale ze sèpan ki gen pwazon,
E yo fè twal ak fil arenyen+.
Nenpòt moun ki manje ze sèpan yo ap mouri,
E nenpòt ze ki kraze ap gen yon vipè ki sot ladan l.
6 Twal yo fè yo pap sèvi yo rad,
E sa yo fè yo pap itil yo anyen+.
Travay yo se fè sa ki mal,
E se zak maspinay yo fè ak men yo+.
7 Yo* kouri al fè sa ki mal,
E yo prese pou y al fè san moun ki inosan koule+.
Se bagay mal ki nan lespri yo.
Se destriksyon ak mizè yo kite sou wout yo+.
8 Yo pa konn wout lapè a,
E pa gen jistis kote yo met pye yo+.
Wout yo fè yo kwochi.
Pa gen moun ki pase ladan yo k ap gen lapè+.
9 Se sa k fè pa gen anyen ki dwat kote nou,
E jistis pa rive sou nou.
Nou kontinye ap tann limyè, men gade! se fènwa ki genyen.
Nou t ap tann klète, men nou kontinye mache nan fènwa pwès+.
10 N ap tatonnen nan mi pou n chèche wout nou tankou avèg.
Nou kontinye ap tatonnen tankou moun ki pa gen je+.
Nou bite gwo midi tankou se nan fènwa nou te ye.
Pami moun ki djanm yo nou tankou moun ki mouri.
11 Nou tout kontinye gwonde tankou lous,
E nou kontinye ap plenn tankou pijon.
N ap tann jistis, men se pou granmesi.
N ap tann delivrans, men li lwen nou nèt.
12 Paske, nou te fè yon pakèt move bagay devan w+.
Chak peche nou fè sèvi temwen kont nou+.
Nou konnen byen sa nou fè ki mal.
Nou konnen byen peche nou fè yo+.
13 Nou peche e nou nye Jewova.
Nou vire do bay Bondye nou an.
Se toupizi moun ak rebelyon ase ki nan pawòl n ap di+.
Nou imajine yon bann manti e pawòl ki pa verite n ap bougonnen yo se nan kè nou yo soti+.
14 Jistis fè bak+,
E sa ki dwat kanpe byen lwen nou+.
Paske, laverite* bite sou plas piblik
E sa ki dwat pa ka antre.
E yo dechèpiye nenpòt moun ki vire do bay sa ki mal.
Jewova te wè sa e sa pa t fè l plezi*,
Paske, pa t gen jistis+.
16 Li te wè pa t gen moun ki t ap ede moun,
E li te sezi wè pa t gen pèsonn ki te vin defann pèsonn.
Se sa k fè li te delivre moun* ak fòs ponyèt li,
E se sou jistis pa l li te apiye.
17 Apre sa, li te met jistis sou li tankou yon jile ki gen yon seri ti plak an metal,
E li te met kas delivrans lan* nan tèt li+.
Li te met jistis sou li tankou yon rad pou l bay ènmi l yo pinisyon yo merite+.
E gwo dezi li genyen pou l met bagay yo nan lòd te tankou rad* li vlope kò l.
18 L ap ba yo sa yo merite pou sa yo fè+:
L ap vide kòlè l sou moun ki kont li yo e l ap fè ènmi l yo peye sa yo fè+.
Epi, l ap bay zile yo sa yo merite.
19 Moun nan zòn kote solèy la kouche a ap gen respè pou non Jewova,
E moun nan zòn kote solèy la leve a ap gen respè pou glwa li,
Paske, Jewova ap vini tankou yon rivyè k ap desann ak tout fòs,
Yon rivyè lespri l ap pouse.
21 “Kanta pou mwen, men alyans mwen fè avèk yo+.” Se sa Jewova di. Li di yo: “Pèsonn pap ka retire lespri m ki sou nou an e pèsonn pap ka retire pawòl mwen met nan bouch nou yo nan bouch nou, nan bouch pitit nou e nan bouch pitit pitit nou, depi kounye a e pou toutan.” Se sa Jewova di.