Sòm
Yon maskil* Etan+, yon desandan Zera, te ekri.
89 M ap toujou chante konsènan fason Jewova demontre lanmou fidèl li genyen an.
Avèk bouch mwen, m ap fè tout jenerasyon yo konnen jan w fidèl.
2 Mwen te di: “Lanmou fidèl ou genyen an ap la pou toutan+.
E ou fè fidelite w chita byen djanm nan syèl la.”
3 Bondye te di: “Mwen fè yon alyans avèk moun mwen chwazi a+.
Men sa mwen te pwomèt David, sèvitè m nan+:
4 ‘M ap fè desandan w lan*+ rete pou toutan,
E m ap fè wayòm ou an chita byen djanm jenerasyon apre jenerasyon+.’” (Sela)
5 Syèl la fè konnen bagay estrawòdinè ou fè yo, o Jewova,
Wi, sila ki sen yo ap fè konnen jan w fidèl.
7 Sila ki sen yo gen lakrentif pou Bondye+.
Bondye gran e sila ki bò kote l yo gen lakrentif pou li+.
15 Byennere moun k ap rele ak kè kontan lè y ap fè louwanj pou ou+.
O Jewova, yo kontinye mache avè w e yo gen favè w*.
16 Se tout lajounen y ap rejwi poutèt non w.
Yo jwenn glwa grasa jistis ou.
17 Paske, se ou menm ki fè yo gen fòs e konsa yo jwenn glwa+.
Piske w fè nou favè, sa fè nou vin gen plis fòs+.
18 Boukliye nou an se Jewova ki ban nou l,
Wa nou an se Bondye Izrayèl la, Bondye ki sen an, ki ban nou l+.
19 Nan epòk sa a, ou te pale ak moun ki fidèl avè w yo nan yon vizyon e w te di:
“Gen yon gason vanyan mwen bay fòs+.
Mwen onore yon moun mwen chwazi nan mitan pèp la+.
21 M ap soutni l ak men m+,
M ap ba l fòs ak ponyèt mwen.
22 Pa gen okenn ènmi k ap fè l peye taks,
Pa gen pèsonn ki pa jis k ap maltrete l+.
26 L ap rele m e l ap di m: ‘Ou se Papa m,
Ou se Bondye m, e w se Mas Wòch ki ka delivre m nan+.’
28 M ap demontre lanmou fidèl mwen genyen an pou li pou toutan+,
Mwen pap janm kraze alyans mwen fè avè l la+.
30 Si pitit li yo pa obeyi lwa m yo
E yo pa mache dapre dekrè* m yo,
31 Si yo pa obeyi lòd mwen yo
E yo pa respekte kòmandman m yo,
32 M ap sèvi ak yon baton pou m pini yo poutèt yo dezobeyi*+,
M ap kale yo pou erè yo fè yo.
33 Men, mwen pap janm sispann demontre lanmou fidèl mwen genyen an pou li+
E m ap respekte pwomès mwen fè a.
35 Mwen te fè sèman yon fwa pou tout, paske mwen sen.
Mwen pap bay David manti+.
36 Desandan l lan* ap la pou toutan+,
Twòn li an ap la pou toutan menm jan solèy la ap la pou toutan devan m+.
37 L ap la pou toutan menm jan ak lalin nan,
Ki tankou yon temwen fidèl nan syèl la.” (Sela)
38 Men ou menm, ou rejte moun ou chwazi a, ou voye l jete+,
Ou vin an kòlè anpil kont li.
39 Ou rejte alyans ou te fè ak sèvitè w la,
Ou dezonore kouwòn li an lefètke w jete l atè.
40 Ou kraze tout miray* li yo ki te fèt ak wòch,
Ou kraze fòtrès li yo.
41 Tout moun k ap pase bò kote l pran nan sa l genyen yo,
Li tounen yon imilyasyon pou vwazen l+.
43 Mete sou sa, ou fè epe l la kase tèt tounen,
Ou fè sèvitè w la fè bak nan batay la.
44 Ou fè l sispann gen glwa,
Ou lage twòn li an atè.
45 Ou fè l vin granmoun anvan lè,
Ou fè lawont tonbe sou li. (Sela)
46 O Jewova, pandan konbyen tan w ap kache pou nou? Èske se pou toutan+?
Èske kòlè w ap kontinye boule tankou yon dife?
47 Sonje jan lavi m kout+.
Èske se pou granmesi ou te kreye lèzòm?
49 O Jewova, kote aksyon w te konn fè yo ki montre lanmou fidèl ou genyen an?
Kote aksyon sa yo ou te pwomèt David w ap fè pou li yo akoz fidelite w+?
50 O Jewova, sonje jan yo pwovoke sèvitè w yo,
Sonje jan m oblije sipòte* tout sa moun yo ap fè pou yo pwovoke m,
51 Jan ènmi w yo joure m, o Jewova,
Jan yo di moun ou chwazi a move pawòl chak fwa l leve pye l.
52 Se pou Jewova jwenn louwanj pou toutan! Amèn, amèn+.