Dànyèl

12 “Pandan tan sa a, Mikayèl*+ ap leve kanpe*. Li se gran prens+ k ap aji pou byen pèp ou a*. Epi, pral gen yon tan kote ap gen anpil malè, yon tan ki pa t janm egziste anvan sa, depi lè te vin gen yon nasyon rive jis nan tan sa a. Pandan tan sa a, pèp ou a, sa vle di tout moun non yo ekri nan liv la+, ap chape+. 2 Anpil nan moun k ap dòmi anba tè ap leve, gen moun ki pral gen lavi ki pap janm fini an e gen lòt ki pral jwenn lawont ak dezonè pou toutan.

3 “Epi, moun ki gen bon konprann yo pral klere tankou syèl la, e moun k ap ede anpil moun vin fè sa ki dwat yo pral klere tankou zetwal pou tout tan gen tan.

4 “Men, ou menm, Dànyèl, se pou w sele liv la, e se pou pawòl ki ladan l yo rete sekrè jiskaske tan lafen an rive+. Anpil moun pral byen fouye nan liv la*, epi vrè konesans lan ap vin anpil*+.”

5 Lè sa a, mwen menm, Dànyèl, mwen te gade, mwen te wè de lòt zanj ki kanpe, youn te kanpe sou yon bò rivyè a e lòt la te kanpe sou lòt bò a+. 6 Apre sa, youn nan yo di mesye ki te abiye ak rad len an+ ki te kanpe sou dlo rivyè a: “Konbyen tan k ap pase anvan bagay estrawòdinè sa yo rive?” 7 Epi, mwen te tande mesye ki abiye ak rad len ki te kanpe sou dlo rivyè a ki te leve men dwat li ak men goch li nan syèl la pou l fè sèman devan Sila a ki vivan pou toutan an+. Li di: “Sa ap pran yon tan, de tan* ak mwatye yon tan*. Kou yo fin kraze fòs pèp ki sen an genyen an+, tout bagay sa yo ap fini.”

8 Twouve, mwen te tande, men mwen pa t ka konprann+, se sa k fè m te di: “O mèt mwen, ki jan tout bagay sa yo ap fini?”

9 Apre sa, li di m: “Ale, Dànyèl, paske pawòl ki nan liv la dwe rete sekrè e yo dwe sele liv la jiskaske tan lafen an rive+. 10 Anpil moun pral pirifye tèt yo, yo pral fè sa ki dwat e yo pral mennen yon vi ki pwòp nèt+. Men, moun ki mechan yo pral kontinye fè sa ki mal, e yo youn pap konprann. Se moun ki gen bon konprann yo k ap konprann+.

11 “Epi, depi lè yo retire sakrifis yo konn fè chak jou yo*+ e yo mete bagay ki bay repiyans ki lakòz dezolasyon an nan plas li+, ap gen 1 290 jou.

12 “Byennere moun ki kontinye ret tann* e ki rive jis nan fen 1 335 jou yo!

13 “Men, ou menm, se pou w ret fèm jiska lafen. Ou pral repoze, men ou pral leve kanpe pou w jwenn pòsyon pa w la* nan fen jou yo+.”