Èske w pare pou w chante pou Jewova nan reyinyon nou yo?

¹ Prepare pou n patisipe nan reyinyon yo gen ladan l tou prepare pou n chante kantik yo ki bay Jewova louwanj. Men kèk sijesyon nou dwe pran an konsiderasyon.

² Konprann pawòl yo: Vèsè de baz la ak lòt vèsè ki parèt nan fen paj chak kantik ap ede nou mete aksan sou pawòl ki nan kantik yo, pawòl ki baze sou Bib la.

³ Fè pratik: Chak semèn nou ka rezève yon ti tan nan adorasyon an fanmi an pou n aprann nouvo kantik yo. Nou ka sèvi ak anrejistreman yo fè ak pyano a pou nou chante kantik yo piske se li y ap itilize nan tout reyinyon yo. Li ka posib pou nou aprann ni melodi ni pawòl ki nan kèk nouvo kantik si nou pran abitid koute CD Ann chante pou Jewova —Vèsyon koral, CD 1 an.

⁴ Èske w ap pare nan wikenn nan lè nou pral kòmanse itilize liv kantik Ann chante pou Jewova a nan Etid Toudegad la? N ap ka di wi, si n rezève tan pou n konprann sans pawòl ki nan kantik yo e si nou fè pratik pou nou ka aprann chante kantik yo.