Chèche vin pi maton nan travay predikasyon an: Sèvi ak bwochi Bon nouvèl Bondye bay la! pou n kòmanse etid nan papòt kay
Poukisa sa enpòtan: Pou n fè disip nou dwe se moun k ap anseye Pawòl Bondye a (Mat. 28:19, 20). Nou tout ka anseye laverite yon fason efikas si nou sèvi ak zouti yo ban nou yo. Prensipal rezon ki fè yo fè bwochi Bon nouvèl Bondye bay la! se pou ede nou anseye lòt moun laverite. Anfèt, nou ka itilize l pou nou kòmanse etid biblik ak yon moun nan papòt kay li depi premye fwa nou rankontre l la.
Eseye sa a pandan mwa a:
Priye pou w ka gen anvi pou w kondui yon etid biblik. Epi sipliye Jewova pou l ede w jwenn yon etid biblik pou w ka vin yon moun k ap anseye laverite yon fason efikas. — Fil. 2:13.
Pandan adorasyon an fanmi an oubyen pandan etid pèsonèl ou, pran yon ti tan pou w aprann prezantasyon an pakè. Konsa, w ap ka pale ak konviksyon e w ap anmezi pou w kòmanse yon etid biblik ak yon moun nan papòt kay li pandan ou nan predikasyon.