Men sa liv Jenèz la ki pale sou kreyasyon an fè konnen: “Jewova Dye te vin fè lòm ak pousyè ki sot nan tè a e li te vin soufle souf lavi a nan twou nen l e lòm vin tounen yon moun ki vivan.” Mo ebre nèfècha la lè yo tradui l, yo mete “yon moun ki vivan” pou li a vle di literalman “yon kreyati k ap respire”. — Jenèz 2:7, nòt.

Kidonk, Labib montre byen klè moun pa gen yon nanm nan yo ki pa ka mouri. Okontrè, chak moun se “yon moun ki vivan”. Se sa k fè, ou mèt chèche toutotan w kapab, ou pap janm jwenn yon kote nan Bib la yo itilize ekspresyon “nanm ki pa ka mouri” a.