14. a) Nan ki sans Abigayil te fè yon premye pa pou l rezoud pwoblèm Nabal te lakòz la? b) Ki leson pratik nou ka aprann nan diferans ki gen ant Nabal ak Abigayil? (Gade nòt anba paj la tou.)

¹⁴ Nan yon sans, nou deja wè premye aksyon Abigayil te fè pou l korije gwo pwoblèm sa a. Kontrèman ak Nabal, mari l, Abigayil te dispoze koute. Bon, poukisa yo pa t pale koze a ak Nabal? Men sa jèn sèvitè a te di: “Misye tèlman di, pa gen yon moun ki ka pale avè l.”c (1 Sam. 25:17). Malerezman, lefètke Nabal te pran tèt li pou yon pakèt afè, sa te fè l pa t dispoze koute pèsonn. Jis jounen jodi a, gen anpil moun ki awogan menm jan ak Nabal. Men, jènjan an te konnen Abigayil pa t tankou mari l, e sandout, se pou rezon sa a li t al kot Abigayil pou l fè l konn pwoblèm nan.