• Ki sa Bib la di konsènan seliba ak maryaj?
    Ou kapab viv ak kè kontan pou toutan! — Yon liv k ap ede w konn Bib la

    • 5. Byen chwazi moun w ap marye avè l la

      Youn nan pi gwo desizyon w ap gen pou w pran lavi w se chwazi ak kiyès w ap marye. Li Matye 19:4-6, 9, epi reponn kesyon sa a:

      • Poukisa yon kretyen pa ta dwe kouri marye?

      Bib la ka ede w konnen ki kalite ki kapab fè yon moun vin yon bon mari oswa yon bon madanm. Sa k pi enpòtan an, se pou w chèche yon moun ki renmen Jewovab. Li 1 Korentyen 7:39 ak 2 Korentyen 6:14. Epi reponn kesyon sa yo:

      • Poukisa se ak kretyen parèy nou sèlman nou dwe marye?

      • Ki jan w panse Jewova t ap santi l si nou ta marye ak yon moun ki pa renmen l?

      Yon gwo towo bèf ak yon ti bourik k ap soufri anba yon jouk an bwa.

      Si yo mete de bèt ki diferan anpil anba menm jouk, y ap soufri. Menm jan an tou, yon kretyen ki marye ak yon moun ki pap sèvi Jewova ap gen anpil pwoblèm.