Trete granmoun fi yo tankou se te manman nou, e jèn medam yo tankou se te sè nou

Bib la di nou pou n trete kretyen ki granmoun yo tankou se te manman nou ak papa nou, e sa ki pi jèn yo tankou se te frè ak sè nou (Li 1 Timote 5:1, 2). Frè yo sitou bezwen trete sè yo avèk diyite, ak respè.

Yon frè pa ta dwe janm nan flète oswa fè nenpòt bagay ki ka fè yon sè santi l pa alèz bò kote l (Jòb 31:1). Yon frè selibatè pa ta dwe jwe ak santiman yon sè selibatè lè l fè l panse li vle gen yon relasyon santimantal avè l, alòske se pa vre.

Ansyen yo ta dwe gen anpil konsiderasyon pou sè ki poze kesyon ak respè oswa menm ki atire atansyon yo sou yon pwoblèm. Ansyen yo sitou dwe gen konsiderasyon pou sila yo ki pa gen mari pou pwoteje yo. — Rt 2:8, 9.

GADE VIDEYO KI GEN TIT ANNOU DEMONTRE YON LANMOU SAN FAY NAN KONGREGASYON AN: POU VÈV YO AK TIMOUN KI PA GEN PAPA YO, EPI REPONN KESYON KI ANNAPRE YO:

• 

  Ki jan kongregasyon an te montre yon lanmou san fay pou sè Myint?

• 

  Ki jan lanmou kongregasyon an te montre a te bay yon bon temwayaj nan vilaj la?

• 

  Ki efè lanmou kongregasyon an te montre a te gen sou pitit fi sè Myint yo?

Ki kèk fason pratik ou ka montre lanmou pou sè ki nan kongregasyon w lan?