Սաղմոսներ

93 Եհովան Թագավոր է դարձել:+

Նա վայելչությամբ է զգեստավորված,

Եհովան զորություն է հագած,

Այն գոտու պես իր մեջքին է կապել:

Երկիրն ամուր է հաստատված,

Այն հնարավոր չէ սասանել:

2 Քո գահն ամուր հաստատված է վաղուց ի վեր.+

Դու հավիտյան գոյություն ունես:+

3 Ո՛վ Եհովա, գետերը վարարել են,

Գետերը վարարել են ու շառաչում են,

Գետերը որոտաձայն հորդում են:

4 Բայց դու հորդառատ ջրերի շառաչից էլ ահեղ ես,

Ծովի մոլեգնած ալիքներից էլ զորեղ ես,+

Ո՛վ Եհովա, որ բարձունքներում ես, դու մեծափառ ես:+

5 Շատ հուսալի են քո սովորեցրածները:*+

Ո՛վ Եհովա, հավիտյան սրբությամբ է զարդարված քո տունը:*+