Զաքարիա

10 Եհովային խնդրեք, որ անձրև տա ձեզ,

Երբ գա գարնանային անձրևների ժամանակը:

Եհովան է ստեղծում ամպրոպաբեր ամպերը,

Հորդառատ անձրև տալիս մարդկանց,+

Աճեցնում դաշտի բուսականությունը բոլորի համար:

 2 Իսկ թերափները* մոլորեցուցիչ* բաներ են ասում,

Գուշակություն անողները սուտ տեսիլքներ են տեսնում,

Սուտուփուչ երազներից են խոսում,

Փորձում են մխիթարել, բայց ապարդյուն:

 3 «Ես սաստիկ բարկությամբ եմ լցված հովիվների դեմ,– ասում է Աստված,–

Հաշիվ եմ պահանջելու բռնակալ առաջնորդներից»:*

Չէ՞ որ Զորքերի տեր Եհովան իր հոգածության տակ է առել իր հոտը՝+ Հուդայի տունը,

Եվ իր մարտական նժույգի պես փառահեղ է դարձրել նրան:

 4 Հուդայից է դուրս գալիս գլխավորը,*

Թիկունք կանգնող ղեկավարը,*

Նրանից է դուրս գալիս մարտական աղեղը,

Նաև ամեն վերակացու.*

 5 Հուդայի տան մարդիկ կլինեն ինչպես ռազմիկներ,

Որոնք մարտնչելիս ոտնատակ են տալիս ճանապարհների ցեխը:

Նրանք կպատերազմեն, որովհետև Եհովան նրանց հետ է,+

Եվ թշնամու ձիավորները ամոթով կմնան:+

 6 «Ես հաղթող կդարձնեմ Հուդայի տունը

Եվ Հովսեփի տունը կփրկեմ,– ասում է Աստված:+–

Կլինի այնպես, ասես երբեք չեմ մերժել նրանց,+

Որովհետև ես նրանց Աստվածն եմ՝ Եհովան.

Նրանց զավակները կտեսնեն դա ու կցնծան,

Եվ նրանց սիրտը կուրախանա Եհովայով:+

 9 Թեև սերմերի պես նրանց ցրիվ կտամ ժողովուրդների մեջ,

Բայց հեռավոր վայրերում նրանք կհիշեն ինձ:

10 Եգիպտոսից հետ կբերեմ նրանց

Եվ կհավաքեմ Ասորեստանից,+

Կբերեմ Գաղաադ+ ու Լիբանան,

Եվ տեղը բավական չի լինի նրանց համար:+

11 Եթե ծովը փակի նրանց ճանապարհը,

Ես կանցնեմ դրա միջով ու կալեկոծեմ այն,

Կհարվածեմ ալիքներին:+

Եթե Նեղոսը արգելք դառնա նրանց համար,

Ես կցամաքեցնեմ դրա խոր ջրերը:

Կկոտրեմ Ասորեստանի հպարտությունը

Եվ Եգիպտոսից կվերցնեմ իշխանության գավազանը:+

12 Ես՝ Եհովաս, կզորացնեմ նրանց,+

Եվ նրանք իմ անունով կընթանան»,*+– ասում է Եհովան: