Դավթի աղոթքը:
86 Ո՛վ Եհովա, կռացիր ու ինձ լսիր,
Ես խեղճ եմ ու տանջահար. ինձ պատասխանիր:+
2 Պահպանիր կյանքս, քանի որ նվիրված եմ քեզ:+
Փրկիր քո ծառային, ով վստահում է քեզ,
Չէ՞ որ դու իմ Աստվածն ես:+
3 Ո՛վ Եհովա, իմ հանդեպ բարեհաճ եղիր,+
Չէ՞ որ օրնիբուն քեզ եմ կանչում:+
4 Քո ծառային ուրախություն պարգևիր,
Չէ՞ որ քեզ եմ, ո՛վ Եհովա, ապավինում:
5 Ո՛վ Եհովա, դու բարի+ ես ու ներողամիտ,+
Բոլոր քեզ կանչողների հանդեպ առատ է սերդ հավատարիմ:+
6 Ո՛վ Եհովա, ականջ դիր իմ աղոթքին,
Ուշադրություն դարձրու օգնության իմ աղաղակներին:+
7 Նեղության օրը ես կկանչեմ քեզ,+
Որովհետև վստահ եմ՝ դու ինձ կպատասխանես:+
8 Ո՛վ Եհովա, աստվածների մեջ չկա քեզ նմանը,+
Անզուգական են քո գործերը:+
9 Ո՛վ Եհովա, բոլոր ազգերը, որ քո ձեռքի գործն են,
Կգան ու քո առաջ կխոնարհվեն+
Եվ քո անունը կփառաբանեն,+
10 Որովհետև դու զորեղ ես ու զարմանահրաշ գործեր ես անում,+
Դու ես Աստված, միայն դու:+
11 Սովորեցրու ինձ քո ճանապարհների մասին, ո՛վ Եհովա,+
Եվ ես քո ճշմարտության ուղով կընթանամ:+
Օգնիր՝ սիրտս պառակտված չլինի, որ քո անունից վախենամ:+
12 Ամբողջ սրտով գովաբանում եմ քեզ, ո՛վ իմ Աստված Եհովա,+
Ես կփառաբանեմ քո անունը հավիտյան,
13 Որովհետև մեծ է քո հավատարիմ սերը իմ հանդեպ,
Դու փրկել ես կյանքս, որ գերեզմանի խորքերը չիջնեմ:+
14 Ո՛վ Աստված, հանդուգն մարդիկ իմ դեմ են դուրս եկել,+
Դաժան մարդկանց ոհմակը ուզում է կյանքս խլել,
Նրանք հաշվի չեն առնում քեզ:+
15 Բայց դու, ո՛վ Եհովա, գթառատ ու կարեկից Աստված ես,
Շուտ չես բարկանում, լի ես հավատարիմ սիրով և հուսալի ես:+
16 Ինձ նայիր ու բարեհաճ եղիր,+
Զորացրու ծառայիդ,+
Աղախնիդ որդուն փրկիր:
17 Ցույց տուր, որ բարի ես իմ հանդեպ,
Որպեսզի ինձ ատողները տեսնեն ու ամոթահար լինեն,
Որովհետև դու, Եհո՛վա, ինձ օգնողն ու մխիթարողն ես: