Սաղմոսներ

20 Թող քո* նեղ օրում Եհովան աղոթքիդ պատասխանի,

Թող Հակոբի Աստծու անունը քեզ համար պաշտպանություն լինի:+

 2 Թող նա սուրբ վայրից օգնության ձեռք մեկնի,+

Թող Սիոնից+ քեզ աջակցի:

 3 Թող հիշի քո բոլոր ընծաները

Եվ հավանությամբ ընդունի քո ողջակեզը: (Սելա)

 4 Թող տա քեզ քո սրտի ուզածը+

Եվ հաջողեցնի քո մտադրությունները:

 5 Մենք քո հաղթանակների համար* ուրախ կբացականչենք,+

Մեր Աստծու անվան պատվին դրոշակներ կբարձրացնենք:+

 6 Հիմա գիտեմ, որ իր օծյալին փրկում է Եհովան,+

Իր սուրբ երկնքից պատասխանում է նրան,

Իր զորավոր* ձեռքով մեծ փրկություն է շնորհում:+

 7 Ոմանք իրենց կառքերին են ապավինում,

Ոմանք էլ իրենց ձիերի վրա են հույս դնում,+

Բայց մենք մեր Աստծու՝ Եհովայի անունն ենք կանչում:+

 8 Այդ մարդիկ ջախջախվել են ու ընկել,

Իսկ մենք ոտքի ենք ելել և ամուր կանգնել:+