Սաղմոսներ

36 Անօրենի սրտի խորքում չարիքն է խոսում,

Նրան ոչինչ Աստծու հանդեպ վախ չի ներշնչում:+

 2 Ինքն իր աչքում չափազանց լավն է երևում,

Ուստի իր սխալը նկատել և ատել չի կարողանում:+

 3 Նա իր խոսքերով ցավ է պատճառում ու մոլորեցնում,

Ըմբռնողականություն չի դրսևորում լավն անելու հարցում:

 4 Անգամ անկողնում նենգ դավեր է նյութում,

Սխալ ճանապարհով է գնում և չարը չի մերժում:

 5 Ո՛վ Եհովա, մինչև երկինք է հասնում քո հավատարիմ սերը,+

Հավատարմությունդ՝ մինչև ամպերը:

 6 Արդարությունդ նման է վսեմ* լեռների,+

Դատավճիռներդ՝ անծայրածիր խոր ջրերի:+

 7 Ի՜նչ թանկ է քո հավատարիմ սերը, ո՜վ Աստված,+

Մարդիկ ապաստանում են քո թևերի հովանու տակ:+

 8 Նրանք հագենում են՝ օգտվելով քո տան առատ բարիքներից,+

Դու նրանց խմեցնում ես քո հրաշալիքների գետից:+

 9 Դու ես կյանքի աղբյուրը,+

Քո լույսով ենք տեսնում լույսը:+

10 Շարունակիր հավատարիմ սեր դրսևորել քեզ ճանաչողների հանդեպ+

Եվ արդարություն՝ մաքուր սիրտ ունեցողների հանդեպ:+

11 Մի՛ թող, որ գոռոզների ոտքերը ինձ տրորեն,

Եվ անօրենների ձեռքերը ինձ դուրս շպրտեն:

12 Ահա չարագործները վայր են ընկել,

Տապալվել են ու չեն կարողանում ոտքի ելնել:+