Սաղմոսներ

94 Ո՛վ վրեժ առնող Աստված, Եհո՛վա,+

Ո՛վ վրեժ առնող Աստված, լույս ճառագիր:

 2 Վեր կաց, ո՛վ երկրի Դատավոր,+

Գոռոզներին արժանին հատուցիր:+

 3 Ո՛վ Եհովա, դեռ ինչքա՞ն,

Դեռ ինչքա՞ն պիտի անօրենները ցնծան:+

 4 Նրանք դատարկաբանում ու մեծ-մեծ խոսում են,

Բոլոր չարագործները պարծենում են:

 5 Ո՛վ Եհովա, նրանք տրորում են քո ժողովրդին,+

Ճնշում են քեզ պատկանողներին:

 6 Սպանում են այրիներին ու պանդուխտներին,

Կոտորում են որբերին:*

 7 Նրանք ասում են. «Յահը չի տեսնում,+

Հակոբի Աստվածը չի նկատում»:+

 8 Հասկացեք, ո՛վ անմիտներ,

Ե՞րբ պիտի ըմբռնեք, ո՛վ հիմարներ:+

 9 Մի՞թե ականջ Ստեղծողը չի կարող լսել,

Կամ մի՞թե աչք Արարողը չի կարող տեսնել:+

10 Նա, ով ազգերին է խրատում, չի՞ կարող ձեզ ճիշտ ուղու վրա դնել,+

Չէ՞ որ նա է մարդկանց գիտելիք տալիս:+

11 Եհովան գիտի, թե մարդիկ ինչ մտքեր ունեն,

Գիտի, որ դրանք փուչ են:+

12 Ո՛վ Յահ, երջանիկ է այն մարդը, ում դու ուղղում ես,+

Ում քո օրենքի միջոցով ուսուցանում ես,+

13 Որ նեղության օրերում նրա սիրտը խաղաղ լինի,

Մինչև որ անօրենի համար փոս փորվի:+

14 Եհովան չի թողնի իր ժողովրդին,+

Նա չի լքի իրեններին:+

15 Կրկին արդար դատավճիռներ կկայացվեն,

Եվ մաքուր սիրտ ունեցող բոլոր մարդիկ դրանց թիկունք կկանգնեն:

16 Ո՞վ դուրս կգա անօրենների դեմ ի պաշտպանություն ինձ,

Ո՞վ ինձ կպաշտպանի չարագործներից:

17 Եթե Եհովան ինձ չաջակցեր,

Ես վաղուց արդեն մեռած կլինեի:*+

18 Երբ ասում էի՝ «Ուր որ է կընկնեմ»,

Դու, Եհո՛վա, քո հավատարիմ սիրով ինձ օգնում էիր:+

19 Երբ անհանգստացնող մտքերը ինձ հանգիստ չէին տալիս,*

Դու ինձ մխիթարում էիր և թեթևացնում հոգիս:*+

20 Չէ՞ որ դու չես դաշնակցի անօրեն կառավարիչների* հետ,

Որոնք օրենքի անվան տակ ծրագրում են չար բաներ:+

21 Նրանք դաժանորեն արդարի վրա են հարձակվում+

Եվ անմեղին մահվան են դատապարտում:+

22 Բայց Եհովան կլինի իմ ապահով ապաստանը,

Իմ Աստվածը իմ ժայռն է, իմ ապավենը:+

23 Նրանց չար գործերը հենց իրենց դեմ կուղղի,+

Իրենց իսկ ծրագրած չարիքով նրանց կկործանի:*