Դավթի երգը:
28 Ո՛վ Եհովա, իմ Վե՛մ,+
Ես շարունակ դիմում եմ քեզ,
Ականջդ մի՛ փակիր:
Եթե դու ինձ չպատասխանես,
Ես անզոր կլինեմ մեռյալի պես:+
2 Աղաչանքներս լսիր, երբ քեզ օգնության եմ կանչում,
Երբ ձեռքերս դեպի քո սրբարանի ամենասուրբ վայրն եմ տարածում:+
3 Մի՛ կործանիր ինձ անօրենների հետ՝
Նրանց հետ, ովքեր չարիք են գործում,+
Ովքեր իրենց դրացու հետ խաղաղությամբ են խոսում,
Մինչդեռ իրենց սիրտը չարությամբ է լեցուն:+
4 Նրանց հատուցում տուր ըստ իրենց գործերի,+
Ըստ իրենց գործած չար արարքների:
Իրենց արածների համար նրանց պատժիր,
Ըստ արժանվույն հատուցիր:+
5 Նրանք ուշադրություն չեն դարձնում Եհովայի արածներին,+
Ոչ էլ նրա ձեռքի գործերին:+
Ուստի նա կտապալի նրանց ու չի աջակցի:
6 Փա՛ռք Եհովային,
Նա ականջ դրեց օգնության իմ աղաղակներին:
7 Եհովան իմ զորությունն+ ու իմ վահանն է:+
Նրան եմ ապավինում ողջ սրտով,+
Նա ինձ օգնեց, և սիրտս ցնծում է,
Նրան կգովաբանեմ իմ երգով:
8 Եհովան իր ժողովրդի զորության աղբյուրն է,
Նա ամրոց է. իր օծյալին մեծ փրկություն բերողն է:+
9 Փրկիր քո ժողովրդին, օրհնիր քեզ պատկանողներին,+
Հովվիր նրանց ու գիրկդ առ հավիտյան:+