Սաղմոսներ

144 Փա՜ռք Եհովային՝ իմ Ժայռին,+

Ով ինձ մարտնչել է սովորեցնում

Եվ պատերազմելու է պատրաստում:+

 2 Նա ինձ հավատարիմ սիրով է սիրում և իմ ամրոցն է,

Իմ ապահով ապաստանն ու ինձ փրկողն է,

Նա իմ վահանն է, նրա մոտ եմ պատսպարվում,+

Նա ժողովուրդներին ինձ է հպատակեցնում:+

 3 Ո՛վ Եհովա, ի՞նչ է մարդը, որ նկատում ես նրան,

Կամ մահկանացու մարդու որդին, որ ուշադրություն ես դարձնում նրան:+

 4 Մարդը մի շունչ է պարզապես,+

Նրա օրերը անցնում-գնում են անհետացող ստվերի պես:+

 5 Ո՛վ Եհովա, խոնարհեցրու երկինքը և ցած իջիր,+

Դիպիր լեռներին, որ դրանցից ծուխ ելնի:+

 6 Կայծակի շանթեր ուղարկիր և թշնամիներին ցրիր,+

Արձակիր նետերդ և նրանց շփոթության մեջ գցիր:+

 7 Ձեռքդ մեկնիր վերևից,

Ազատիր, փրկիր ինձ մոլեգնած ջրերից,

Օտարների ձեռքից,+

 8 Որոնց բերանը ստեր է փչում,

Որոնք բարձրացնում են իրենց աջը և ստելով երդվում:

 9 Ո՛վ Աստված, նոր երգով քո գովքը կերգեմ,+

Տասնալար տավիղի նվագակցությամբ քեզ կգովերգեմ՝

10 Նրան, ով հաղթանակ* է տալիս թագավորներին,+

Մահաբեր սրից փրկում է իր ծառա Դավթին:+

11 Ազատիր, փրկիր ինձ օտարների ձեռքից,

Որոնց բերանը ստեր է փչում,

Որոնք բարձրացնում են իրենց աջը և ստելով երդվում:

12 Այդ ժամանակ մեր որդիները նման կլինեն արագորեն աճող դալար տունկերի,

Մեր դուստրերը՝ պալատների անկյունները զարդարող քանդակազարդ սյուների:

13 Մեր շտեմարանները լեփ-լեցուն կլինեն ամեն տեսակ մթերքներով,

Մեր հոտերը կշատանան հազարներով, տասնյակ հազարներով:

15 Երջանիկ է այն ժողովուրդը, որ վայելում է այս ամենը,

Երջանիկ է այն ժողովուրդը, որի Աստվածը Եհովան է:+