Սաղմոսներ

127 Եթե Եհովան չկառուցի տունը,

Զուր են ջանք թափում այն կառուցողները:+

Եթե Եհովան չպահպանի քաղաքը,

Զուր է արթուն մնում պահապանը:+

 2 Զուր եք դուք կանուխ արթնանում,

Մինչև ուշ գիշեր արթուն մնում

Եվ հաց վաստակելու համար քրտնաջան աշխատում,

Քանի որ ում Աստված սիրում է,

Նրան հոգ է տանում և խաղաղ քուն պարգևում:+

 3 Ահա որդիները* պարգև* են Եհովայից,+

Որովայնի պտուղը նվեր է նրանից:+

 4 Որդիները, որ մարդ ունենում է երիտասարդ տարիքում,

Նման են նետերի՝ զորեղ մարդու ձեռքում:+

Նրանք չեն մնա ամոթով,

Քանի որ նրանց որդիները պատասխան կտան թշնամուն քաղաքի դարպասների մոտ: