118 Շնորհակալություն հայտնեք Եհովային, որովհետև նա բարի է,+
Նրա հավատարիմ սերը հավերժական է:
2 Թող Իսրայելն ասի.
«Նրա հավատարիմ սերը հավերժական է»:
3 Թող Ահարոնի տունն ասի.
«Նրա հավատարիմ սերը հավերժական է»:
4 Թող Եհովայից վախեցողներն ասեն.
«Նրա հավատարիմ սերը հավերժական է»:
5 Նեղության մեջ Յահին օգնության կանչեցի,
Յահը պատասխանեց ու ինձ մի անվտանգ տեղ բերեց:+
6 Եհովան իմ կողքին է, ես չեմ վախենա:+
Մարդն ի՞նչ կարող է ինձ անել:+
7 Եհովան իմ կողքին է, նա է ինձ օգնական.+
Ինձ ատողներին կնայեմ հաղթական:+
8 Ավելի լավ է Եհովայի մո՛տ ապաստան փնտրել,
Քան մարդկանց ապավինել:+
9 Ավելի լավ է Եհովայի մո՛տ ապաստան փնտրել,
Քան իշխանավորներին ապավինել:+
10 Բոլոր ազգերն ինձ պաշարեցին,
Բայց Եհովայի անվանը ապավինելով՝ ես նրանց հետ մղեցի:+
11 Նրանք ինձ պաշարեցին, այո՛, ամեն կողմից պաշարեցին,
Բայց Եհովայի անվանը ապավինելով՝ ես նրանց հետ մղեցի:
12 Մեղուների պես ինձ շրջապատեցին,
Բայց այրվող փշերի բոցի պես արագ մարեցին:
Եհովայի անվանը ապավինելով՝ ես նրանց հետ մղեցի:+
13 Ինձ ուժգին հրեցին, որ վայր ընկնեմ,
Բայց Եհովան ինձ օգնեց:
14 Յահը իմ պատսպարանն է և ինձ զորացնողը,
Նա է ինձ փրկողը:+
15 Արդարների վրաններում
Փրկվածների ցնծության ձայներն են լսվում:
Եհովայի աջը զորավոր բաներ է անում:+
16 Եհովայի աջը հաղթական վեր է բարձրանում,
Եհովայի աջը զորավոր բաներ է անում:+
17 Ես չեմ մեռնի, ես կապրեմ,
Որ Յահի գործերի մասին հռչակեմ:+
18 Թեև Յահը ինձ խստորեն խրատեց,+
Բայց մահվան չմատնեց:+
19 Արդարության դռները իմ առաջ բացեք:+
Ես ներս կմտնեմ ու Յահին կգովաբանեմ:
20 Դա Եհովայի դուռն է,
Դրանով արդարները կմտնեն:+
21 Ո՜վ Աստված, կգովերգեմ քեզ,
Որովհետև դու ինձ պատասխանեցիր+
Եվ ինձ փրկություն տվեցիր:
22 Այն քարը, որ մերժեցին շինարարները,
Դարձավ գլխավոր անկյունաքարը:+
23 Դա Եհովայի արածն է+
Եվ մեզ համար հիասքանչ է:+
24 Եհովան է այդ օրը սահմանել.
Այդ ժամանակ մենք կուրախանանք ու կհրճվենք:
25 Ո՛վ Եհովա, աղերսում ենք, փրկիր,
Եհո՛վա, խնդրում ենք, մեզ հաղթանակ շնորհիր:
26 Օրհնյալ է նա, ով գալիս է Եհովայի անունով:+
Եհովայի տնից օրհնում ենք ձեզ:
27 Եհովան մեր Աստվածն է,
Նա մեր լույսի աղբյուրն է:+
Ճյուղերը ձեռքներիդ՝ տոնական երթին միացեք,+
Մինչև զոհասեղանի եղջյուրները հասեք:+
28 Դու իմ Աստվածն ես, ես կգովաբանեմ քեզ,
Իմ Աստվա՛ծ, ես կմեծարեմ քեզ:+
29 Շնորհակալություն հայտնեք Եհովային,+ որովհետև նա բարի է,
Նրա հավատարիմ սերը հավերժական է:+