Սաղմոսներ

38 Ո՛վ Եհովա, ինձ բարկությամբ մի՛ խրատիր

Եվ ցասումով ինձ մի՛ ուղղիր:+

 2 Նետերդ ինձ խոցել են,

Ձեռքդ ինձ ճնշում է:+

 3 Վրդովմունքդ զգալուց ողջ մարմինս ցավում է,

Մեղքիս պատճառով ներքին* խաղաղությունս կորել է:+

 4 Մեղքերս կիտվել են իմ գլխավերևում,+

Այնպիսի ծանր բեռ են դարձել, որ կրել չեմ կարողանում:

 5 Իմ անմտության բերած ցավերը ասես վերքեր լինեն,

Որ թարախակալել են ու փտել:

 6 Ես կորցրել եմ հանգիստս ու ծայրահեղ վհատված եմ,

Ամբողջ օրը վշտահար շրջում եմ:

 7 Ներսս վառվում է,

Ողջ մարմինս ցավում է:+

 8 Անզգայացած ու լիովին ջախջախված եմ,

Սրտիս ցավից բարձրաձայն հառաչում* եմ:

 9 Ո՛վ Եհովա, դու իմ բոլոր ցանկությունները գիտես

Եվ իմ հառաչանքներին անտեղյակ չես:

10 Սիրտս ուժգին բաբախում է,

Ուժերս ինձ լքել են,

Աչքերիս լույսը մարել է:+

11 Տառապալի վիճակս տեսնելով՝ ընկերներս ու ծանոթներս ինձնից խուսափում են,

Մտերիմներս հեռու են մնում:

12 Մահս կամեցողները որոգայթ են լարում,

Ինձ վնասել ցանկացողները ինձ կործանելու մասին են խոսում+

Եվ օրնիբուն խաբեություն են ծրագրում:

13 Իսկ ես խուլի պես ոչինչ չեմ լսում,+

Համրի պես ոչ մի ծպտուն չեմ հանում:+

14 Ասես մի մարդ լինեմ, ով լսել չի կարողանում,

Ով, ի պաշտպանություն իրեն, ոչինչ չի ասում,

15 Որովհետև, ո՛վ Եհովա, ես սպասում եմ քեզ,+

Եվ դու, Եհո՛վա, իմ Աստվա՛ծ, ինձ կպատասխանես:+

16 Ես ասացի. «Թող նրանք ինձ վրա չչարախնդան,

Ինձ վերևից չնայեն, երբ ոտքերս սայթաքեն»:

17 Քիչ էր մնում՝ տապալվեի,

Եվ ցավս չէր մեղմանում:+

19 Իսկ թշնամիներս առույգ ու զորեղ են,*

Առանց պատճառի ինձ ատողները շատացել են:

20 Իմ լավության դիմաց չարով են հատուցում,

Լավն անելուս համար իմ դեմ են ելնում:

21 Ո՛վ Եհովա, ինձ մի՛ լքիր,

Ո՛վ իմ Աստված, քեզ ինձնից հեռու մի՛ պահիր:+

22 Շտապիր ինձ օգնության,

Ո՛վ Եհովա, իմ փրկությո՛ւն:+