«Հենց սա է Աստծու սրբագույն և մեծագույն անունը»

Նիկոլաուս Կուզանցին այս խոսքերն ասել է իր քարոզներից մեկում 1430 թ.–ինa։ Նրա հետաքրքրությունների շրջանակը շատ լայն էր, օրինակ՝ ուսումնասիրում էր հունարեն, եբրայերեն, փիլիսոփայություն, աստվածաբանություն, մաթեմատիկա և աստղագիտություն։ 22 տարեկանում նա ստացավ Հռոմի կաթոլիկ եկեղեցու կանոնական իրավունքի դոկտորի աստիճան։ Իսկ 1448 թ.–ին նշանակվեց կարդինալ։

Մոտ 550 տարի առաջ Նիկոլաուս Կուզանցին հիմնադրեց ծերանոց Կուս քաղաքում, որն այժմ կոչվում է Բեռնկաստել–Կուս և գտնվում է Բոննից մոտ 130 կիլոմետր հարավ (Գերմանիա)։ Այս նույն շենքում այժմ գտնվում է Կուզանցու գրադարանը, որտեղ կան 310–ից ավելի ձեռագրեր։ Դրանցից մեկը Կուզանցու ձեռագիրն է (Codex Cusanus 220), որը պարունակում է Նիկոլաուս Կուզանցու՝ 1430 թ.–ին ասված քարոզը։ Նա այդ քարոզում, որ կոչվում է «Ին պրինսիպիո էրատ վերբում» («Սկզբում էր Բանը»), օգտագործում է «Եհովա» անվան լատիներեն ձևը՝ «Իոուա»b։ 56–րդ էջում Աստծու անվան մասին գրված է հետևյալը. «Այն Աստված է տվել։ Դա քառագիրն է, այսինքն՝ չորս տառից կազմված անունը.... Հենց սա է Աստծու սրբագույն և մեծագույն անունը»։ Նիկոլաուս Կուզանցու այս խոսքերը ներդաշնակ են այն փաստին, որ Աստծու անունը գրված է եղել Եբրայերեն Գրությունների բնագրում (Ելից 6։3)։

Կուզանցու ձեռագիրը, որ պատկանում է 15–րդ դարի սկզբներին, մեզ հասած հնագույն վավերագրերից մեկն է, որում եբրայերեն քառագիրը փոխանցվել է «Իոուա» ձևով։ Այս գրավոր վկայությունը ևս մեկ ապացույց է այն բանի, որ դարեր ի վեր Աստծու անունը գրավոր տեքստերում հիմնականում հայտնվել է այնպիսի ձևերով, որոնք նման են եղել «Եհովա» ձևին։

[ծանոթագրություններ]

[նկար 16–րդ էջի վրա]

Կուզանցու գրադարանը