Բարելավենք մեր հմտությունները ծառայության մեջ. «Մնա Աստծու սիրո մեջ» գրքի օգնությամբ հասնենք մարդկանց սրտին

ԻՆՉՈՒ Է ԿԱՐԵՎՈՐ Մարդիկ պետք է սովորեն Եհովայի չափանիշները և ապրեն դրանց համաձայն, որպեսզի նրանց երկրպագությունը ընդունելի լինի նրան (Ես 2։3, 4)։ «Աստծու սերը» գիրքը, որը ուսումնասիրության համար նախատեսված մեր երկրորդ ձեռնարկն է, օգնում է ուսումնասիրողներին հասկանալու՝ ինչպես կարող են աստվածաշնչյան սկզբունքները կիրառել իրենց կյանքում (Եբ 5։14)։ Ուսուցանելիս պետք է ձգտենք հասնել նրանց սրտին, որպեսզի նրանք մղվեն փոփոխություններ անելու (Հռ 6։17)։

ԻՆՉՊԵՍ ԱՆԵԼ

• Լավ նախապատրաստվիր՝ ի մտի ունենալով ուսումնասիրողի կարիքները։ Մտածիր, թե տեսակետ բացահայտող ինչ հարցեր կարող ես տալ, որ հասկանաս, թե քննարկվող նյութի վերաբերյալ ինչ է մտածում ուսումնասիրողը և ինչ զգացումներ ունի դրա հետ կապված (Առ 20։5) be, էջ 259։

• Գրքում եղած շրջանակների միջոցով ուսումնասիրողին օգնիր հասկանալու, թե ինչու է կարևոր կիրառել աստվածաշնչյան սկզբունքները։

• Ուսումնասիրողին օգնիր տրամաբանելու խղճին թողնված հարցերի շուրջ, բայց նրա փոխարեն որոշումներ մի՛ կայացրու (Գղ 6։5)։

• Նրբանկատորեն պարզիր, թե արդյոք կան աստվածաշնչյան որոշ սկզբունքներ, որ ուսումնասիրողի համար դժվար է կիրառել։ Սիրալիր կերպով հորդորիր նրան, որ Եհովայի հանդեպ սիրուց մղված՝ փոփոխություններ անի իր կյանքում (Առ 27։11; Հվ 14։31)։